കുവൈത്ത് സിറ്റി: രാജ്യത്ത് വരുന്ന ആഴ്ച കനത്ത ചൂട് അനുഭവപ്പെടും. പകൽ സമയത്തെ ഉയർന്ന ചൂടും കാറ്റും രാത്രിയും തുടരും. സജീവമാകുന്ന കാറ്റ് ചില പ്രദേശങ്ങളിൽ പൊടിക്കാറ്റിന് കാരണമാകും.
ഇന്ത്യൻ മൺസൂൺ ന്യൂനമർദം രാജ്യത്തെ ബാധിക്കുന്നുണ്ടെന്നും ചൂടുള്ളതും വരണ്ടതുമായ വായുപിണ്ഡം താപനില ഉയരുന്നതിലേക്ക് നയിക്കുന്നതായും കാലാവസഥ വകുപ്പ് ആക്ടിങ് ഡയറക്ടർ ധരാർ അൽ അലി പറഞ്ഞു. നേരിയതോ മിതമായതോ ആയ വടക്കുപടിഞ്ഞാറൻ കാറ്റും രാജ്യത്ത് സജീവമാണ്.
വെള്ളിയാഴ്ച കാലാവസ്ഥ വളരെ ചൂടുള്ളതായിരിക്കും. വടക്കുപടിഞ്ഞാറൻ കാറ്റ് മണിക്കൂറിൽ എട്ടു മുതൽ 35 കിലോമീറ്റർ വരെ വേഗതയിൽ വീശാം. പരമാവധി താപനില 48 മുതൽ 50 ഡിഗ്രി സെൽഷ്യസ് വരെ പ്രതീക്ഷിക്കുന്നു. കടൽ നേരിയതോ മിതമായതോ ആയിരിക്കും. വെള്ളിയാഴ്ച രാത്രിയും ചൂടുള്ള കാലാവസ്ഥ തുടരും. വടക്ക് പടിഞ്ഞാറൻ കാറ്റ് സജീവമാകും.
കുറഞ്ഞ താപനില 27 മുതൽ 29 ഡിഗ്രി സെൽഷ്യസ് വരെ ആയിരിക്കും. ശനിയാഴ്ചയും ചൂടുള്ള കാലാവസ്ഥയിരിക്കും. ഉയർന്ന പരമാവധി താപനില 47 മുതൽ 49 ഡിഗ്രി സെൽഷ്യസ് വരെയാകുമെന്ന് പ്രതീക്ഷിക്കുന്നു.
വ്യാഴാഴ്ച അന്തരീക്ഷം ചൂടുള്ളതായിരുന്നു. പരമാവധി താപനില 47 മുതൽ 49 ഡിഗ്രി സെൽഷ്യസ് വരെ എത്തി. രാത്രിയും കാലാവസ്ഥ ചൂടേറിയതായി. 27നും 29നും ഇടയിലായിരുന്നു കുറഞ്ഞ താപനില. രാവിലെ മുതൽ കനത്ത ചൂട് അനുഭവപ്പെട്ടതിനാൽ കുടകളും തൊപ്പിയുമായണ് പലരും പുറത്തിറങ്ങിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.