ഫര്വാനിയ: ചാമ്പ്യന്സ് എഫ്.സി കെഫാകുമായി സഹകരിച്ച് ഏകദിന സെവൻസ് സോക്കര് ഫെസ് റ്റ് സംഘടിപ്പിക്കുന്നു. വെള്ളിയാഴ്ച മിശ്രിഫ് പബ്ലിക് അതോറിറ്റി ഒാഫ് യൂത്ത് ആൻഡ് സ്പോർട്സ് സ്റ്റേഡിയത്തിലാണ് ടൂർണമെൻറ്. കെഫാകിൽ രജിസ്റ്റർ ചെയ്ത 18 ടീമുകൾ പെങ്കടുക്കും. ഉച്ചക്ക് 2.30 മുതൽ നടക്കുന്ന ഫുട്ബാൾ ഉത്സവം രാത്രിയോളം നീളും. കേരളത്തിലെ പ്രമുഖ കളിക്കാർ വിവിധ ടീമുകൾക്കുവേണ്ടി ബൂട്ടുകെട്ടുന്ന മത്സരങ്ങൾ കെഫാക് റഫറിമാർ നിയന്ത്രിക്കും. നോക്കൗട്ട് അടിസ്ഥാനത്തിലാണ് മത്സരമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. സാമൂഹിക, ജീവകാരുണ്യ പ്രവർത്തകരും വിവിധ സംഘടനാ പ്രതിനിധികളും സംബന്ധിക്കും. കൂടുതൽ വിവരങ്ങൾക്ക് 66993276, 69940905. ടൂർണമെൻറിലെ വിജയികൾക്കും വ്യക്തിഗത പുരസ്കാരജേതാക്കൾക്കും പുറമെ കാണികളിൽനിന്ന് അഭിപ്രായം സ്വീകരിച്ച് ഫേവറിറ്റ് ടീമിനും സമ്മാനം നൽകും. മംഗഫിൽ ചാമ്പ്യൻസ് എഫ്.സിയുടെ കീഴിൽ കുട്ടികൾക്കായി ഫുട്ബാൾ കോച്ചിങ് നടത്തിവരുന്നതായും ഭാരവാഹികൾ അറിയിച്ചു. വാർത്തസമ്മേളനത്തിൽ ക്ലബ് പ്രസിഡൻറ് നെൽസൻ, ടീം മാനേജർ തോമസ്, ടൂർണമെൻറ് കൺവീനർ വിനോയ് തോമസ്, സി.എ. ബിജു, ശിഹാബ്, നിബിൻ, ഗിരീഷ്, ജിൽഡോ, കെഫാക് പ്രസിഡൻറ് സിദ്ദീഖ്, സെക്രട്ടറി വി.എസ്. നജീബ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.