കുവൈത്ത് സിറ്റി: സാരഥി കുവൈത്ത് ജീവകാരുണ്യ പ്രവർത്തനങ്ങളുടെ ഭാഗമായി അദാൻ ബ്ലഡ് ട്രാൻസ്ഫ്യൂഷൻ സെന്ററിൽ രക്തദാന ക്യാമ്പ് സംഘടിപ്പിച്ചു. ഹസ്സാവി സൗത്ത് യൂനിറ്റിന്റെ നേതൃത്വത്തിൽ നടന്ന ക്യാമ്പിൽ 110ത്തിലേറെ പേർ രക്തം ദാനം നടത്തി.
സാരഥി പ്രസിഡന്റ് എം.പി. ജിതേഷ് അധ്യക്ഷതവഹിച്ചു. ഇന്ത്യൻ ഡോക്ടേഴ്സ് ഫോറം വൈസ് പ്രസിഡന്റ് ഡോ. സുശോവന സുജിത്ത് ഉദ്ഘാടനം ചെയ്തു. ബി.ഇ.സി എക്സ്ചേഞ്ച് മാർക്കറ്റിങ് മാനേജർ രാംദാസ്, ശിഫ അൽ ജസീറ ഗ്രൂപ് മാർക്കറ്റിങ് ഹെഡ് മോണ ഹസ്സൻ, അൽ നാഹിൽ ജനറൽ മാനേജർ വിജിത്ത് നായർ എന്നിവർ മുഖ്യാതിഥികളായി.
സാരഥി ജനറൽ സെക്രട്ടറി വിനോദ് ചീപ്പാറയിൽ, ട്രസ്റ്റ് ചെയർമാൻ ജിതിൻ ദാസ്, വനിത വേദി ചെയർപേഴ്സൻ ബിജി അജിത് കുമാർ, ഡോ. ശ്രീറാം നാഥൻ, ഐ.ഡി.എഫ് ജോ.സെക്രട്ടറി ഡോ. രായവരം, ഐ.ഡി.എഫ് സെക്രട്ടറി രഘു നന്ദൻ, ഹസ്സാവി യൂനിറ്റ് സെക്രട്ടറി കെ. സി. വിജയൻ, വനിതാവേദി ഹസ്സാവി സൗത്ത് യൂനിറ്റ് കൺവീനർ സന്ധ്യ രഞ്ജിത്ത് എന്നിവർ ആശംസകൾ അറിയിച്ചു. പരിപാടി ജനറൽ കൺവീനർ ശ്രീജിത്ത് കെ.എസ് സ്വാഗതവും സെൻട്രൽ ട്രഷറർ എസ്. അനിൽ കുമാർ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.