കുവൈത്തി സംഘടനയായ ഇന്റർനാഷനൽ ഇസ്ലാമിക് ചാരിറ്റബിൾ ഓർഗനൈസേഷൻ
യമനിൽ ആരംഭിച്ച മൊബൈൽ ക്ലിനിക്
കുവൈത്ത് സിറ്റി: കുവൈത്തി സംഘടനയായ ഇന്റർനാഷനൽ ഇസ്ലാമിക് ചാരിറ്റബിൾ ഓർഗനൈസേഷൻ യമനിൽ മൊബൈൽ ക്ലിനിക് പദ്ധതി ആരംഭിച്ചു. 77,250 ഡോളർ ചെലവ് വരുന്ന പദ്ധതിയിലൂടെ മൂന്നുമാസം കൊണ്ട് 4500 രോഗികൾക്ക് ചികിത്സ നൽകാൻ കഴിയും. പാവപ്പെട്ട രോഗികൾക്ക് അവരുടെ മേഖലയിൽ ചെന്ന് മരുന്നും ചികിത്സയും സൗജന്യമായി ലഭ്യമാക്കാനാണ് മൊബൈൽ ക്ലിനിക് തുടങ്ങിയത്.
അൽ വാദിഅ ജില്ലയിൽ നടന്ന ചടങ്ങിൽ ഉദ്ഘാടനം നിർവഹിച്ചു. ‘കുവൈത്ത് നിങ്ങളോടൊപ്പം’ കാമ്പയിന്റെ ഭാഗമായാണ് ചികിത്സ സൗകര്യം ലഭ്യമാക്കിയത്. കുവൈത്തിലെ വിവിധ സന്നദ്ധ സംഘടനകളും സർക്കാർ ഏജൻസികളും യമനിൽ സഹായപ്രവാഹം തുടരുകയാണ്. സഹായ വസ്തുക്കളുമായി രണ്ടാഴ്ചക്കിടെ പത്താമത് വിമാനം വ്യാഴാഴ്ച ഡമസ്കസിലേക്ക് പറന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.