കുവൈത്ത് സിറ്റി: മലേഷ്യയിലെ കാലാലംപൂരിൽ നടക്കുന്ന രണ്ടാമത് ജി.സി.സി-ആസിയാൻ ഉച്ചകോടിയിലും ജി.സി.സി-ആസിയാൻ-ചൈന ഉച്ചകോടിയിലും അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിന്റെ പ്രതിനിധിയായി കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹ് പങ്കെടുക്കും.
ഉച്ചകോടിയിൽ പങ്കെടുക്കുന്ന കുവൈത്ത് പ്രതിനിധി സംഘത്തെ കിരീടാവകാശി നയിക്കും. ജി.സി.സി-ആസിയാൻ, ജി.സി.സി-ആസിയാൻ-ചൈന ഉച്ചകോടിയിൽ കുവൈത്തിന്റെ പങ്കാളിത്തം അന്താരാഷ്ട്ര ബന്ധങ്ങൾ സ്ഥാപിക്കുന്നതിനും ആശയവിനിമയം നടത്തുന്നതിനുമുള്ള കുവൈത്തിന്റെ പ്രതിബദ്ധതയെ പ്രതിഫലിപ്പിക്കുന്നതാണെന്ന് വിദേശകാര്യ മന്ത്രി അബ്ദുല്ല അൽ യഹ്യ പറഞ്ഞു.
ആസിയാൻ രാജ്യങ്ങളുമായും ചൈനയുമായും വിവിധ മേഖലകളിൽ ബന്ധങ്ങൾ വികസിച്ചുകൊണ്ടിരിക്കുകയാണ്. മറ്റു ബഹുമുഖ മേഖലയിൽ സഹകരണം വിശാലമാക്കുന്നതിന് ഈ സമ്മേളനങ്ങളിലെ പങ്കാളിത്തം ഗുണം ചെയ്യുമെന്നും അദ്ദേഹം കൂട്ടിച്ചേർത്തു. തിങ്കൾ,ചൊവ്വ ദിവസങ്ങളിലായാണ് ഉച്ചുകോടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.