കുവൈത്ത്-ഫ്രാൻസ് സംയുക്ത സൈനികാഭ്യാസത്തിൽ
അംഗങ്ങൾ
കുവൈത്ത് സിറ്റി: കുവൈത്ത്-ഫ്രാൻസ് സംയുക്ത സൈനികാഭ്യാസത്തിന്റെ മൂന്നാം പതിപ്പിന് തുടക്കം.‘അറബ് ബ്രീസ്- 2025’ എന്ന പേരിലുള്ള സൈനികാഭ്യാസത്തിൽ കുവൈത്ത് നാവിക സേനയുടെ ഡൈവേഴ്സ് ബറ്റാലിയനിൽ നിന്നുള്ള ക്ലിയറൻസ്, സ്ഫോടകവസ്തുക്കൾ നീക്കം ചെയ്യൽ മുങ്ങൽ വിദഗ്ധരുടെയും ഫ്രഞ്ച് നാവിക സേനയിൽ നിന്നുള്ള മുങ്ങൽ വിദഗ്ധരുടെയും പങ്കാളിത്തമാണുള്ളത്.
മേയ് എട്ടുവരെ നീണ്ടുനിൽക്കുന്ന സംയുക്ത അഭ്യാസത്തിൽ യുദ്ധ സന്നദ്ധത വർധിപ്പിക്കൽ, വൈദഗ്ധ്യം കൈമാറൽ, സമുദ്ര സർവേയിംഗിലെ പുതിയ സാങ്കേതിക വിദ്യകളെ കുറിച്ചുള്ള പരിശീലനം എന്നിവയാണ് ഉൾപ്പെടുത്തിയിരിക്കുന്നത്. പ്രതിരോധ സഹകരണവും ഉദ്യോഗസ്ഥരുടെ സാങ്കേതിക പ്രകടനം വർധിപ്പിക്കലും ലക്ഷ്യമിട്ടാണ് സൈനികാഭ്യാസങ്ങൾ എന്ന് കുവൈത്ത് ആർമി ജനറൽ സ്റ്റാഫ് പ്രസ്താവനയിൽ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.