കെ.ആർ.സി.എസ് ഡയറക്ടർ ബോർഡ് യോഗത്തിൽ അംഗങ്ങൾ
കുവൈത്ത് സിറ്റി: അടിയന്തര പ്രതികരണ പദ്ധതികളുടെ പുരോഗതി വിലയിരുത്തുന്നതിനായി കുവൈത്ത് റെഡ് ക്രസന്റ് സൊസൈറ്റി (കെ.ആർ.സി.എസ്) ഡയറക്ടർ ബോർഡ് യോഗം ചേർന്നു. ചെയർമാൻ ഖാലിദ് അൽ മഖാമിസ് അധ്യക്ഷത വഹിച്ചു. ബന്ധപ്പെട്ട സ്ഥാപനങ്ങളുമായി ചേർന്ന് അടിയന്തര സംവിധാനങ്ങൾ യോഗത്തിൽ പരിശോധിച്ചതായി കെ.ആർ.സി.എസ് മേധാവി പ്രസ്താവനയിൽ പറഞ്ഞു. പ്രതിസന്ധികളെ നേരിടുന്നതിൽ തയ്യാറെടുപ്പ് ഉറപ്പാക്കുന്നതിന് ഇത്തരം ശ്രമങ്ങൾ സഹായകമാണെന്നും അദ്ദേഹം പറഞ്ഞു.
കെ.ആർ.സി.എസ് അടുത്തിടെ ആരംഭിച്ച വിവിധ സേവനങ്ങളെക്കുറിച്ച് ഉദ്യോഗസ്ഥൻ വിശദീകരിച്ചു. ഇതിൽ ഓട്ടോമേറ്റഡ് റെസ്പോൺസ് സിസ്റ്റം ‘ബി.ഒ.ടി -കെ.ആർ.സി.എസ്, ഹോട്ട്ലൈൻ നമ്പർ 97909065 എന്നിവ ഉൾപ്പെടുന്നു. ഉടനടി മാനസിക സഹായവും സാമൂഹിക പരിചരണവും നൽകുന്നതിന് 24 മണിക്കൂറും ഇവ രണ്ടും ലഭ്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.