കെ.എം.സി.സി ബാലുശ്ശേരി മണ്ഡലം കൺവെൻഷൻ സ്റ്റേറ്റ് പ്രസിഡന്റ് നാസർ മഷ്ഹൂർ തങ്ങൾ ഉദ്ഘാടനം ചെയ്യുന്നു
കുവൈത്ത് സിറ്റി: കെ.എം.സി.സി ബാലുശ്ശേരി മണ്ഡലം കൺവെൻഷനും വിദ്യാഭ്യാസ അവാർഡ് ദാനവും സംഘടിപ്പിച്ചു. ഫർവാനിയ കെ.എം.സി.സി ഓഡിറ്റോറിയത്തിൽ പരിപാടി സ്റ്റേറ്റ് പ്രസിഡന്റ് നാസർ മഷ്ഹൂർ തങ്ങൾ ഉദ്ഘാടനം ചെയ്തു. ആക്ടിങ് പ്രസിഡന്റ് റഷീദ് നാറാത്ത് അധ്യക്ഷതവഹിച്ചു. ഇസ്മായിൽ വള്ളിയോത്ത് മുഖ്യ പ്രഭാഷണം നടത്തി.സ്റ്റേറ്റ് ആക്ടിങ് ജനറൽ സെക്രട്ടറി ശാഹുൽ ബേപ്പൂർ, ട്രഷറർ ഹാരിസ് വള്ളിയോത്ത്,സലാം പട്ടാമ്പി,അസീസ് പേരാമ്പ്ര,ഗഫൂർ അത്തോളി,ഡോ.ഷഹീമ,ഫാത്തിമ അബ്ദുൽ അസീസ്,സഫ്ന ഹർഷദ് തുടങ്ങിയവർ സംസാരിച്ചു.
എസ്.എസ്.എൽ.സി, പ്ലസ് ടു, ഡിഗ്രി പരീക്ഷകളിൽ ഉന്നത വിജയം കൈവരിച്ചവരെ തയ്യിൽ ഷുക്കൂർ ഹാജി സ്മാരക അവാർഡും ഖുർആൻ മനഃപാഠമാക്കിയ മുഹമ്മദ് സിനാന് സി.എച്ച്. മുഹമ്മദ് കോയ പ്രതിഭ പുരസ്കാരവും കൈമാറി. കെ.എം.സി.സി വനിത വിങ് നേതാക്കൾക്കുള്ള സ്വീകരണവും ചടങ്ങിൽ നടന്നു. മണ്ഡലം നേതാക്കളായ ആബിദ് ഉള്ളൂർ,സലിം ബാലുശ്ശേരി,നൗഷാദ് കിനാലൂർ,യൂസഫ് പൂനത്ത്,കരീം നടുവണ്ണൂർ,ഹിജാസ് അത്തോളി,ഷംസീർ വള്ളിയോത്ത് നേതൃത്വം നൽകി. ജനറൽ സെക്രട്ടറി ഹാഷിദ് മുണ്ടോത്ത് സ്വാഗതവും ട്രഷറർ ഹർഷദ് കായണ്ണ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.