സാൽമിയ: കാസർകോട് ജില്ല അസോസിയേഷൻ കെ.ഇ.എ കുവൈത്ത് സാൽമിയ, ഹവല്ലി ഏരിയ സ്പീഡെക്സ് കാർഗോയുമായി ചേർന്ന് സംഘടിപ്പിച്ച സപ്ത സംഗീതം-17 മുഖ്യരക്ഷാധികാരി സഗീർ തൃക്കരിപ്പൂർ ഉദ്ഘാടനം ചെയ്തു. ഏരിയകൾ നടത്തുന്ന ഇത്തരം പൊതുപരിപാടികൾ സംഘടനയുടെ വളർച്ചയാണ് വിളിച്ചോതുന്നതെന്ന് അദ്ദേഹം പറഞ്ഞു. സാൽമിയ ഏരിയ പ്രസിഡൻറ് മുഹമ്മദ് ഹദ്ദാദ് അധ്യക്ഷത വഹിച്ചു. ചെയർമാൻ എൻജിനീയർ അബൂബക്കർ, കേന്ദ്ര പ്രസിഡൻറ് അനിൽ കള്ളാർ, ഉപദേശക സമിതി അംഗം ഹരി ഗോവിന്ദ് എന്നിവർ സംസാരിച്ചു. പട്ടുറുമാൽ ഫെയിം നസീബ കാസർകോട്, ഹനീഫ ബംബ്രാണി നൗഷാദ് തിടിൽ, മുഫീദ, ജിമ്മി എന്നിവർ ചേർന്ന് അവതരിപ്പിച്ച സപ്തഭാഷ ഗാനമേള വ്യത്യസ്തമായി. ഒപ്പന, തിരുവാതിര, മാർഗംകളി, മ്യൂസിക്കൽ ഫ്യൂഷൻ, സിനിമാറ്റിക് ഡാൻസ് എന്നിവയും അരങ്ങേറി. അതിഥികളെയും കലാകാരന്മാരെയും അസോസിയേഷൻ ഭാരവാഹികൾ ഉപഹാരം നൽകി ആദരിച്ചു. പ്രോഗ്രാം കൺവീനർ ഹസ്സൻ ബല്ല സ്വാഗതവും സാൽമിയ ട്രഷറർ കെ.പി. ബാലൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.