കുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ, കല കുവൈത്ത് യൂനിറ്റ് അംഗങ്ങൾക്കായി സംഘടിപ്പിച്ച ക്രിക്കറ്റ് ടൂർണമെൻറിൽ ഹവല്ലി ടീമിനെ പരാജയപ്പെടുത്തി മംഗഫ് യൂനിറ്റ് ജേതാക്കളായി. അബു ഹലീഫ ക്രിക്കറ്റ് ഗ്രൗണ്ടിൽ നടന്ന മത്സരങ്ങളിൽ വിവിധ യൂനിറ്റുകളെ പ്രതിനിധാനംചെയ്ത് 23 ടീമുകൾ പങ്കെടുത്തു. ടൂർണമെൻറ് എൻ.സി.സി ഡെപ്യൂട്ടി ജനറൽ മാനേജർ ഷാജി ജോസ് ഉദ്ഘാടനം ചെയ്തു.
പ്രസിഡൻറ് സുഗതകുമാർ അധ്യക്ഷത വഹിച്ചു. ജനറൽ സെക്രട്ടറി ജെ. സജി, അബുഹലീഫ മേഖല സെക്രട്ടറി മുസ്ഫർ എന്നിവർ സംസാരിച്ചു. കായിക വിഭാഗം സെക്രട്ടറി നാസർ കടലുണ്ടി സ്വാഗതവും ടൂർണമെൻറ് ജനറൽ കൺവീനർ സജീവ് എബ്രഹാം നന്ദിയും പറഞ്ഞു. മംഗഫ് ടീമിലെ അഫ്സലിനെ മാൻ ഓഫ് ദ സീരീസായും ഹവല്ലി ടീമിലെ ലിജോയെ മികച്ച ബോളറായും, മംഗഫ് ടീമിലെ ശ്രീരാഗിനെ മികച്ച ബാറ്റ്സ്മാനായും തെരഞ്ഞെടുത്തു. മംഗഫ് ടീമിലെ അഫ്സലാണ് ഫൈനലിലെ മാൻ ഓഫ് ദ മാച്ച്.
സമ്മാനദാനം പ്രസിഡൻറ് സുഗതകുമാർ, ജോയൻറ് സെക്രട്ടറി പ്രസീദ് കരുണാകരൻ, വൈസ് പ്രസിഡൻറ് നിസാർ, ഫഹാഹീൽ മേഖലാ സെക്രട്ടറി ജിജോ ഡൊമിനിക്, അബുഹലീഫ മേഖലാ സെക്രട്ടറി മുസ്ഫർ, കായിക വിഭാഗം സെക്രട്ടറി നാസർ കടലുണ്ടി, കേന്ദ്ര കമ്മിറ്റി അംഗങ്ങളായ ജ്യോതിഷ് ചെറിയാൻ, ആസിഫ് അലി, സി.കെ. നൗഷാദ്, ശുഭ ഷൈൻ, രംഗൻ, മുതിർന്ന അംഗം സജി തോമസ് മാത്യു എന്നിവർ നിർവഹിച്ചു.റഫറിമാർക്കുള്ള ഉപഹാരം ഫഹാഹീൽ മേഖല പ്രസിഡൻറ് രെഹീൽ കെ. മോഹൻ ദാസ്, സജീവ് അബ്രഹാം എന്നിവർ കൈമാറി. സജീവ് അബ്രഹാമിെൻറ നേതൃത്വത്തിലുള്ള സംഘാടക സമിതി നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.