കല കുവൈത്ത് അബ്ബാസിയ മേഖല പെനാൽറ്റി ഷൂട്ടൗട്ട് മത്സരത്തിൽ സമ്മാനം കൈമാറുന്നു
കല കുവൈത്ത് അബ്ബാസിയ മേഖല പെനാൽറ്റി ഷൂട്ടൗട്ട് മത്സരം
കുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ – കല കുവൈത്ത് അബ്ബാസിയ മേഖല കമ്മിറ്റി ഫിഫ വേൾഡ് കപ്പിനോടനുബന്ധിച്ച് പെനാൽറ്റി ഷൂട്ടൗട്ട് മത്സരം സംഘടിപ്പിച്ചു. അബ്ബാസിയ ഇഖ്റ ടർഫ് ഫുട്ബാൾ സ്റ്റേഡിയത്തിൽ നടന്ന മത്സരം ജെ.സജി ഉദ്ഘാടനം ചെയ്തു.
അബ്ബാസിയ മേഖല പ്രസിഡന്റ് രാജേഷ് ശേഖർ അധ്യക്ഷത വഹിച്ചു. കല കുവൈത്ത് പ്രസിഡന്റ് അൻസാരി കടയ്ക്കൽ, കായിക വിഭാഗം സെക്രട്ടറി അശോകൻ കൂവ എന്നിവർ ആശംസകൾ നേർന്നു. മേഖല എക്സിക്യൂട്ടീവ് അംഗം പി.വി.ശ്രീജിത്ത് ചടങ്ങിൽ സന്നിഹിതനായി.
മേഖലയിലെ 30 യൂണിറ്റുകളിൽ നിന്നായി 46 ടീമുകൾ മത്സരത്തിൽ പങ്കെടുത്തു. അബ്ബാസിയ ബി യൂണിറ്റ് ഒന്നാം സ്ഥാനവും അബ്ബാസിയ കെ യൂണിറ്റ് ബി ടീം റണ്ണേഴ്‌സ് അപ്പ് സ്ഥാനവും കരസ്ഥമാക്കി. അബ്ബാസിയ എഫ് സൗത്ത് യൂണിറ്റ് ആശാൻ എഫ്.സി ടീമംഗം എഡ്വിൻ ജോജുവിനെ മത്സരത്തിലെ മികച്ച ഗോൾകീപ്പറായി തെരഞ്ഞെടുത്തു. കല ജനറൽ സെക്രട്ടറി ജിതിൻ പ്രകാശ്, ജോ. സെക്രട്ടറി പി.വി.പ്രവീൺ, അബ്ബാസിയ മേഖല കമ്മിറ്റി അംഗങ്ങൾ എന്നിവർ വിജയികൾക്കുള്ള ട്രോഫികൾ വിതരണം ചെയ്തു. അബ്ബാസിയ മേഖല സെക്രട്ടറി കൃഷ്ണ മേലത്ത് സ്വാഗതവും സംഘാടക സമിതി കൺവീനർ ജെബിൻ എബ്രഹാം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.