കുവൈത്ത് സിറ്റി: ഫർവാനിയ മുനിസിപ്പാലിറ്റി ജലീബ് അൽ ശുയൂഖിൽ നടത്തിയ റെയ്ഡിൽ ഭക് ഷണസാധനങ്ങൾ പിടികൂടി നശിപ്പിച്ചു. ജലീബ്, ഹസാവി എന്നിവിടങ്ങളിലാണ് പരിശോധന നടന്നത്. കേടായതും വിലക്കുള്ളതും ലൈസൻസില്ലാതെ വിൽപന നടത്തിയതുമായ സാധനങ്ങളാണ് റെയ്ഡിൽ പിടികൂടിയത്. പ്രദേശത്തെ കടകൾ, ഗോഡൗണുകൾ, ഗാരേജുകൾ എന്നിവ കേന്ദ്രീകരിച്ചാണ് പരിശോധന അരങ്ങേറിയത്. പഴങ്ങൾ, പച്ചക്കറികൾ, മറ്റു ഭക്ഷ്യവസ്തുക്കൾ എന്നിവയാണ് കാര്യമായി പിടികൂടിയത്. ഇതിന് പുറമെ തെരുവുകച്ചവടം നടത്തുകയായിരുന്ന വസ്ത്രങ്ങൾ, ഇലക്ട്രോണിക് ഉൽപന്നങ്ങൾ എന്നിവയും പിടികൂടിയിട്ടുണ്ട്. പൊതുശുചിത്വത്തിന് തടസ്സമായ കാര്യങ്ങൾ നീക്കാൻ ഫർവാനിയ മുനിസിപ്പാലിറ്റിയുടെ എല്ലാ വിഭാഗവും പരിശോധന കാമ്പയിൻ നടത്തിവരുകയാണെന്ന് അധികൃതർ വ്യക്തമാക്കി. സമാനമായ പരിശോധന വരുംദിവസങ്ങളിൽ മറ്റ് ഗവർണറേറ്റുകളിലും ഉണ്ടാകുമെന്നാണ് സൂചന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.