ജാബിർ അൽ അഹ്മദ് ആശുപത്രിയിൽ നടന്ന റോബോട്ടിക് സർജറി
കുവൈത്ത് സിറ്റി: ജാബിർ അൽ അഹ്മദ് ആശുപത്രിയിൽ ഇനി ഇ.എൻ.ടി വിഭാഗത്തിലും റോബോട്ടിക് സർജറി. ആശുപത്രിയിൽ സർജിക്കൽ റോബോട്ടിന്റെ സഹായത്തോടെ അഞ്ചു രോഗികള്ക്ക് ശസ്ത്രക്രിയ വിജയകരമായി പൂർത്തിയാക്കി. അമേരിക്കയിലെ പ്രശസ്തമായ മയോ ക്ലിനിക്കിന്റെ സഹകരണത്തോടെയാണ് ശസ്ത്രക്രിയ നടത്തിയത്.
പ്രമുഖ കാന്സര് വിദഗ്ധന് ഡോ. തോമസ് നെയ്ഗല് നേതൃത്വം നല്കി. ഇതോടെ സർജിക്കൽ റോബോട്ടുകളുടെ സഹായത്തോടെ വേദന കുറച്ച്, കൂടുതൽ കൃത്യതയോടെ ആശുപത്രിയിൽ ഇനി ഇ.എൻ.ടി ശസ്ത്രക്രിയയും പൂർത്തിയാക്കാനാകും.
റോബോട്ടിക് സർജറിയുടെ ഭാഗമായി രാജ്യത്തെ ഓങ്കോളജിസ്റ്റുകൾക്കായി പരിശീലന പരിപാടികളും പ്രഭാഷണങ്ങളും സംഘടിപ്പിച്ചിരുന്നു. നേരത്തേ ജാബിര് ആശുപത്രിയില് ഉദരസംബന്ധമായ പ്രശ്നങ്ങളുള്ള രോഗികള്ക്ക് റോബോട്ടുകളുടെ സഹായത്തോടെ ശസ്ത്രക്രിയകൾ നടത്തിയിരുന്നു. രാജ്യത്തെ ശസ്ത്രക്രിയ റോബോട്ട് സ്വന്തമായുള്ള ഏക ആശുപത്രിയാണ് ജാബിർ അൽ അഹ്മദ് ആശുപത്രി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.