കുവൈത്ത് സിറ്റി: കുവൈത്തിൽ വിദേശികളുടെ ഇഖാമ പുതുക്കലിന് മുന്നോടിയായി മയക്കുമരുന്ന് പരിശോധന നടത്തണമെന്ന് മുഹന്നദ് അൽ സായർ എം.പി ആവശ്യപ്പെട്ടു.
കുവൈത്ത് പൗരന്മാരുടെ വിവാഹത്തിന് മുമ്പും ജോലിയിൽ പ്രവേശിക്കുന്നതിനു മുമ്പും നിർബന്ധമായും മയക്കുമരുന്ന് പരിശോധന നടത്തണമെന്ന നിർദേശം അദ്ദേഹം മുന്നോട്ടുവെച്ചു. ആഭ്യന്തര മന്ത്രാലയം, ആരോഗ്യ മന്ത്രാലയം, നീതിന്യായ മന്ത്രാലയം എന്നിവക്കാണ് എം.പി നിർദേശം സമർപ്പിച്ചത്.
മയക്കുമരുന്ന് ഉപയോഗിക്കുന്നവർ സമൂഹത്തിന് ഭീഷണിയാണെന്നും കൂട്ടായ ശ്രമങ്ങൾ ഇല്ലാതെയും കർശന നടപടികൾ സ്വീകരിക്കാതെയും മയക്കുമരുന്ന് വിപത്ത് ഇല്ലാതാക്കാനാവില്ലെന്ന് അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.