കുവൈത്ത് സിറ്റി: ഈ വർഷത്തെ ബലിപെരുന്നാളിന് മാസപ്പിറ കാണുന്നതിനനുസരിച്ച് രാജ്യത്ത് അഞ്ചുമുതൽ ഒമ്പതുവരെ ദിവസം അവധി ലഭിക്കാൻ സാധ്യത. ബന്ധപ്പെട്ട ഉന്നത വൃത്തങ്ങളെ ഉദ്ധരിച്ച് പ്രാദേശിക പത്രമാണ് ഇക്കാര്യം റിപ്പോർട്ട് ചെയ്തത്. ആഗസ്റ്റ് 12ന് ഞായറാഴ്ച ദുൽഹജ്ജ് ഒന്നാവുകയാണെങ്കിൽ ആ മാസം 20ന് തിങ്കളാഴ്ച അറഫയും ചൊവ്വാഴ്ച ഒന്നാം പെരുന്നാളുമായിരിക്കും. ഈ സാഹചര്യത്തിലാണ് അവധി ഒമ്പത് ദിവസമായി നീളുക. ആഗസ്റ്റ് 17ന് വെള്ളിയാഴ്ച മുതൽ ആഗസ്റ്റ് 25 ശനിയാഴ്ചവരെ ഒമ്പതു ദിവസം അവധി നൽകാനാണ് ഈ സാഹചര്യത്തിൽ സാധ്യത.
ആഗസ്റ്റ് 13ന് തിങ്കളാഴ്ച ദുൽഹജ്ജ് ഒന്നാണെങ്കിൽ ആഗസ്റ്റ് 21ന് ചൊവ്വാഴ്ച അറഫയും 22ന് ബുധനാഴ്ച പെരുന്നാളുമായിരിക്കും. ഈ സൗഹചര്യത്തിൽ ആഗസ്റ്റ് 21, 22, 23, 24, 25 (ചൊവ്വ, ബുധൻ, വ്യാഴം, വെള്ളി, ശനി) ദിവസങ്ങളിൽ അഞ്ചുദിവസം അവധി ലഭിക്കും. ഇൗ സാഹചര്യത്തിൽ ആഗസ്റ്റ് 20ന് തിങ്കളാഴ്ച അടക്കുന്ന സർക്കാർ സ്ഥാപനങ്ങൾ 26ന് ഞായറാഴ്ചയായിരിക്കും പിന്നീട് പ്രവർത്തിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.