വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് യു.കെ സായുധസേന മന്ത്രിക്കൊപ്പം
കുവൈത്ത് സിറ്റി: വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് യു.കെ സായുധസേന മന്ത്രിയും പാർലമെന്റ് അംഗവുമായ ജെയിംസ് ഹീപ്പിയുമായി കൂടിക്കാഴ്ച നടത്തി. സമാധാനപരമായ മാർഗങ്ങളിലൂടെയും ചർച്ചകളിലൂടെയും പ്രതിസന്ധികൾ പരിഹരിക്കുന്നതിന് പിന്തുണ നൽകുന്ന കുവൈത്തിന്റെ നിലപാട് ശൈഖ് സലീം വ്യക്തമാക്കി. അന്താരാഷ്ട്ര നിയമത്തിലും രാജ്യങ്ങളുടെ പരമാധികാര ബഹുമാനത്തിലും അധിഷ്ഠിതമായ സമാധാനപരമായ നീക്കങ്ങളെ പിന്തുണക്കേണ്ടതിന്റെ ആവശ്യകതയും അദ്ദേഹം ഉണർത്തി.
പ്രാദേശികവും അന്തർദേശീയവുമായ സമാധാനവും സുരക്ഷയും നിലനിർത്താനുള്ള കുവൈത്തിന്റെ ശ്രമങ്ങളെ ജെയിംസ് ഹീപ്പി അഭിനന്ദിച്ചു. കുവൈത്തിന്റെ നേതൃത്വത്തിനും സർക്കാറിനും ജനങ്ങൾക്കും അദ്ദേഹം നന്ദിയും അറിയിച്ചു. കുവൈത്തും യു.കെയും തമ്മിലുള്ള ചരിത്രപരമായ ബന്ധങ്ങളും പ്രാദേശികവും അന്തർദേശീയവുമായ സംഭവവികാസങ്ങളും കൂടിക്കാഴ്ചയിൽ ചർച്ചചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.