അഗ്നിശമന സേനാ സംഘങ്ങൾ തീ അണക്കുന്നു
കുവൈത്ത് സിറ്റി: ഷുവൈഖ് ഇൻഡസ്ട്രിയൽ ഏരിയയിലെ ബേസ്മെന്റിൽ തീപിടിത്തം. വെയർഹൗസായി ഉപയോഗിച്ചിരുന്ന ഒരു മുറിയിലാണ് തീപിടിച്ചത്.വിവിധ കേന്ദ്രങ്ങളിൽനിന്നുള്ള അഗ്നിശമന സേനാ സംഘങ്ങൾ ഉടൻ സ്ഥലത്തെത്തി നടപടികൾ ആരംഭിച്ചു.അഗ്നിശമന സെക്ടർ ഡെപ്യൂട്ടി ചീഫ് ബ്രിഗേഡിയർ ഒമർ ഹമദും സ്ഥലത്തെത്തി പ്രവർത്തനങ്ങൾക്ക് മേൽനോട്ടംവഹിച്ചു.
റിപ്പോർട്ട് ലഭിച്ചയുടനെ ഷുവൈഖ് ഇൻഡസ്ട്രിയൽ, ഷഹീദ്, അർദിയ, മിഷ്രിഫ്, ഷദാദിയ, മദീന, സപ്പോർട്ട് സെന്ററുകൾ എന്നിവിടങ്ങളിൽനിന്നുള്ള സംഘങ്ങൾ അതിവേഗത്തിലെത്തി തീ അണക്കാൻ ശ്രമം ആരംഭിച്ചതായും വൈകാതെ തീ നിയന്ത്രണവിധേയമാക്കിയതായും കുവൈത്ത് ഫയർ സർവിസ് ഡയറക്ടറേറ്റ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.