ഹുദാ സെന്റർ യാത്രയയപ്പ് യോഗത്തിൽ അബ്ദുറഹ്മാൻ സ്വലാഹിക്ക് ഉപഹാരം നൽകുന്നു
കുവൈത്ത് സിറ്റി: 23 കൊല്ലത്തെ കുവൈത്ത് പ്രവാസജീവിതം അവസാനിപ്പിച്ച് നാട്ടിലേക്കു മടങ്ങുന്ന അബ്ദുറഹ്മാൻ സ്വലാഹി മലപ്പുറവന് ഹുദാ സെന്റർ യാത്രയയപ്പ് നൽകി. കുവൈത്ത് ഇന്ത്യൻ ഹുദാ സെന്റർ എക്സിക്യൂട്ടിവ് അംഗവും ഫൈഹ ഏരിയ ഭാരവാഹിയുമായിരുന്നു.
ഫർവാനിയ മെട്രോ ഓഡിറ്റോറിയത്തിൽ നടന്ന യാത്രയയപ്പ് യോഗത്തിൽ ഹുദാ സെന്റർ ആക്ടിങ് പ്രസിഡന്റ് അബ്ദുല്ല കാരക്കുന്ന് അധ്യക്ഷത വഹിച്ചു. സെന്റർ ജനറൽ സെക്രട്ടറി അബ്ദുൽ ഹമീദ് കൊടുവള്ളി സ്വാഗതവും വീരാൻകുട്ടി സ്വലാഹി നന്ദിയും പറഞ്ഞു. സെന്റർ വൈസ് പ്രസിഡന്റ് അബൂബക്കർ വടക്കാഞ്ചേരി സംസാരിച്ചു.
കെ.എൻ.എം സംസ്ഥാന നേതാക്കളായ ഹനീഫ് കായക്കൊടി, മുസ്തഫ തൻവീർ എന്നിവർ സംബന്ധിച്ചു. ദീർഘനാളത്തെ കുവൈത്ത് പ്രവാസജീവിതാനുഭവങ്ങൾ മറുപടിപ്രസംഗത്തിൽ അബ്ദുറഹ്മാൻ സ്വലാഹി പങ്കുവെച്ചു. ഹുദാ സെന്ററിന്റെ സ്നേഹോപഹാരം അബ്ദുറഹ്മാൻ സ്വലാഹിക്ക് സമ്മാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.