കുവൈത്ത് സിറ്റി: ശനിയാഴ്ച മറ്റൊരു ആകാശ വിസ്മയത്തിന് കൂടി സാക്ഷിയാകും. കുവൈത്ത് ആകാശത്ത് പൂർണ ചന്ദ്രനോടുകൂടിയ ഭാഗിക ഗ്രഹണം ഇന്ന് ദർശിക്കാം. ശനിയാഴ്ച ഭൂമിയുടെ നിഴൽ ചന്ദ്രന്റെ ആറു ശതമാനം മറയ്ക്കും. ഒരു മണിക്കൂറും 17 മിനിറ്റും നീണ്ടു നിൽക്കുന്ന ഗ്രഹണം നേരിട്ട് കാണാം.
യൂറോപ്, ഏഷ്യ, ആഫ്രിക്ക, പടിഞ്ഞാറൻ ആസ്‌ട്രേലിയ എന്നിവിടങ്ങളിലും ഗ്രഹണം ദൃശ്യമാകും. കുവൈത്തിൽ ഈ വർഷം രണ്ടാമത്തെയും അവസാനത്തേതുമാണ് ഈ ഗ്രഹണം. അടുത്ത ചന്ദ്രഗ്രഹണം 2024 സെപ്റ്റംബർ 18ന് ആയിരിക്കുമെന്ന് ബഹിരാകാശ മ്യൂസിയം ജനറൽ സൂപ്പർവൈസർ ഖാലിദ് അൽ ജമാൻ അറിയിച്ചു. വിവിധ ഘട്ടങ്ങളിലായി രാത്രി 9.01 മുതൽ 11.52വരെയാകും ഗ്രഹണം. ഏറ്റവും ഉയർന്നത് 11.14ന് ദൃശ്യമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.