മനാമ: മരിച്ച മാതാവിനെ സന്ദർശിക്കാനെന്ന പേരിൽ പരിശോധന ഒഴിവാക്കി 25 ലക്ഷം രൂപയുടെ സ്വർണം കടത്താൻ ശ്രമിച്ച യുവതി കൊച്ചി വിമാനത്താവളത്തിൽ കസ്റ്റംസിന്റെ പിടിയിലായി. ബഹ്റൈനിൽനിന്നുവന്ന ആലപ്പുഴ സ്വദേശിനി റജുലയാണ് 518 ഗ്രാം സ്വർണം കടത്താൻ ശ്രമിച്ചത്.
ഗ്രീൻ ചാനലിലൂടെ ഇവർ കടക്കുന്നതിനിടെയാണ് സംശയം തോന്നിയത്. നടത്തത്തിൽ അസ്വാഭാവികത കണ്ടെത്തിയതിനെത്തുടർന്ന് ഷൂസ് അഴിപ്പിച്ചു. ഷൂസിനുള്ളിൽ പേസ്റ്റ് രൂപത്തിലാക്കി 275 ഗ്രാം സ്വർണം ഒളിപ്പിച്ചിരിക്കുകയായിരുന്നു. വിശദമായി പരിശോധിച്ചപ്പോൾ ചെയിൻ രൂപത്തിലും മറ്റുമായി 253 ഗ്രാം സ്വർണംകൂടി കണ്ടെത്തി. ബന്ധുക്കളും മറ്റും മരിച്ചുവെന്ന് വിവരം നൽകുന്നവരെ ഗ്രീൻ ചാനലിലൂടെ പെട്ടെന്ന് കടത്തിവിടാറുണ്ട്. ഇത് പലരും ദുരുപയോഗപ്പെടുത്തുന്നതായി പരാതിയുയർന്നിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.