കൊല്ലം പ്രവാസി അസോസിയേഷൻ നൽകുന്ന ആശ്രിത സാന്ത്വനം സഹായം വൈസ് പ്രസിഡൻറ് വിനു ക്രിസ്റ്റി കൈമാറുന്നു
മനാമ: ബഹ്റൈനിൽ മരണപ്പെടുന്ന നിരാലംബരായ കൊല്ലം പ്രവാസികളുടെ കുടുംബത്തിന് സാന്ത്വനമേകാൻ കൊല്ലം പ്രവാസി അസോസിയേഷെൻറ നേതൃത്വത്തിൽ 'ആശ്രിത സാന്ത്വനം പദ്ധതി' ആരംഭിച്ചു. ഇതിെൻറ ഭാഗമായുള്ള ആദ്യ സഹായം ബഹ്റൈനിൽ കഴിഞ്ഞവർഷം മരണപ്പെട്ട കൊല്ലം ഉമയനല്ലൂർ സ്വദേശി സതീശെൻറ കുടുംബത്തിന് നൽകി. സതീശൻ ജോലിചെയ്തിരുന്ന കമ്പനി പ്രതിനിധി പ്രവീൺ വിദ്യാധരന് കൊല്ലം പ്രവാസി അസോസിയേഷൻ വൈസ് പ്രസിഡൻറ് വിനു ക്രിസ്റ്റി സാന്ത്വന സഹായം കൈമാറി.
സെക്രട്ടറി കിഷോർ കുമാർ, ആശ്രിത സാന്ത്വന കമ്മിറ്റി കൺവീനർ സന്തോഷ് കാവനാട് എന്നിവർ സംബന്ധിച്ചു. മരണപ്പെടുന്ന പ്രവാസികളുടെ സാമ്പത്തിക ഭദ്രത, കുടുംബം, ജോലി എന്നിവ പരിഗണിച്ചാണ് സാമ്പത്തിക സഹായം നൽകുന്നതെന്നും തുടർന്നുള്ള സഹായങ്ങൾ വരും ദിവസങ്ങളിൽ നൽകുമെന്നും കെ.പി.എ. പ്രസിഡൻറ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.