ഹെൽപ്ഡെസ്ക്

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും.
bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

ആ​റു ദി​വ​സം തു​ട​ർ​ച്ച​യാ​യി ജോ​ലി ചെ​യ്താ​ലേ വെ​ള്ളി​യാ​ഴ്ച​ത്തെ ശ​മ്പ​ളം ത​രൂ എ​ന്നു​ണ്ടോ

? ഞ​ങ്ങ​ളു​ടെ ക​മ്പ​നി വ​ർ​ക്കി​ങ് ഡേ ​ഒ​രു ദി​വ​സം ലീ​വ് എ​ടു​ത്താ​ൽ വെ​ള്ളി​യാ​ഴ്ച കൂ​ടി ക​ട്ടു ചെ​യ്തു ര​ണ്ടു ദി​വ​സം ആ​ബ്സ​ന്റ് ആ​ക്കു​ന്നു. ആ​റു ദി​വ​സം തു​ട​ർ​ച്ച​യാ​യി ജോ​ലി ചെ​യ്താ​ലേ വെ​ള്ളി​യാ​ഴ്ച​ത്തെ ശ​മ്പ​ളം ത​രൂ എ​ന്നൊ​രു നി​യ​മം ഉ​ണ്ടോ.

സ്മി​ത

• ആ​റു​ദി​വ​സം തു​ട​ർ​ച്ച​യാ​യി ജോ​ലി ചെ​യ്താ​ൽ മാ​ത്ര​മേ വെ​ള്ളി​യാ​ഴ്ച​ത്തെ ശ​മ്പ​ളം ല​ഭി​ക്കൂ എ​ന്ന വ്യ​വ​സ്ഥ തൊ​ഴി​ൽ നി​യ​മ​ത്തി​ലി​ല്ല. ഒ​രു​ദി​വ​സം അ​വ​ധി എ​ടു​ത്താ​ൽ താ​ങ്ക​ളു​ടെ അ​ർ​ഹ​ത​പ്പെ​ട്ട വാ​ർ​ഷി​ക അ​വ​ധി​യി​ൽ നി​ന്നും കു​റ​ക്കാ​വു​ന്ന​താ​ണ്.

ഒ​രു​ദി​വ​സ​ത്തെ അ​വ​ധി എ​ടു​ത്താ​ൽ ര​ണ്ടു​ദി​വ​സ​ത്തെ ശ​മ്പ​ളം പി​ടി​ക്കു​ന്ന​ത് നി​യ​മ​വി​രു​ദ്ധ​മാ​ണ്. വെ​ള്ളി​യാ​ഴ്ച പൊ​തു അ​വ​ധി​യാ​ണ്. അ​ത് ഒ​രു തൊ​ഴി​ലാ​ളി​യു​ടെ അ​വ​കാ​ശ​മാ​ണ്. താ​ങ്ക​ളു​ടെ തൊ​ഴി​ൽ ക​രാ​ർ പ്ര​കാ​രം താ​ങ്ക​ൾ​ക്ക് ശ​മ്പ​ളം ത​രു​ന്ന​ത് മാ​സ​ത്തി​ൽ ഒ​രി​ക്ക​ലാ​ണെ​ന്ന് ക​രു​തു​ന്നു. ദി​വ​സ​ക്കൂ​ലി​ക്കാ​ണ് ജോ​ലി ചെ​യ്യു​ന്ന​തെ​ങ്കി​ൽ ജോ​ലി ചെ​യ്യാ​ത്ത ദി​വ​സ​ത്തെ ശ​മ്പ​ളം ത​ര​ണ​മെ​ന്നി​ല്ല. താ​ങ്ക​ൾ​ക്ക് ഇ​ക്കാ​ര്യ​ത്തി​ൽ എ​ൽ.​എം. ആ​റി​ൽ പ​രാ​തി ന​ൽ​കാ​ൻ സാ​ധി​ക്കും.

? ഞാ​ൻ ഒ​രു സ്കൂ​ളി​ലാ​ണ് ജോ​ലി ചെ​യ്യു​ന്ന​ത്. ഞ​ങ്ങ​ളു​ടെ തൊ​ഴി​ൽ ക​രാ​റി​ൽ അ​ക്കാ​ദ​മി​ക് വ​ർ​ഷ​ത്തി​ന്റെ ഇ​ട​യി​ൽ ജോ​ലി രാ​ജി വെ​ക്കാ​ൻ പാ​ടി​ല്ലെ​ന്ന വ്യ​വ​സ്ഥ​യു​ണ്ട്. ഇ​ത് നി​യ​മ​പ​ര​മാ​യി ശ​രി​യാ​ണോ. എ​നി​ക്ക് ഒ​രു മാ​സ​ത്തെ നോ​ട്ടീ​സ് ന​ൽ​കി എ​ന്റെ ക​രാ​ർ എ​പ്പോ​ൾ വേ​ണ​മെ​ങ്കി​ലും നി​യ​മ​പ്ര​കാ​രം റ​ദ്ദു ചെ​യ്യാ​ൻ സാ​ധി​ക്കു​മോ?

അ​നീ​സ

• തൊ​ഴി​ൽ നി​യ​മ​പ്ര​കാ​രം ഒ​രു അ​നി​ശ്ചി​ത​കാ​ല​ത്തേ​ക്കു​ള്ള തൊ​ഴി​ൽ ക​രാ​ർ ഒ​രു​മാ​സ​ത്തെ നോ​ട്ടീ​സ് ന​ൽ​കി തൊ​ഴി​ലാ​ളി​ക്ക് റ​ദ്ദു​ചെ​യ്യാ​ൻ സാ​ധി​ക്കും. ക​ത്തി​ൽ​നി​ന്നും മ​ന​സ്സി​ലാ​കു​ന്ന​ത് താ​ങ്ക​ളൂ​ടെ തൊ​ഴി​ൽ ക​രാ​ർ നി​ശ്ചി​ത കാ​ല​ത്തേ​ക്കു​ള്ള തൊ​ഴി​ൽ ക​രാ​റാ​ണ് എ​ന്നാ​ണ്. അ​താ​യ​ത് ഒ​രു അ​ക്കാ​ദ​മി​ക് വ​ർ​ഷ​ത്തേ​ക്കു​ള്ള നി​ശ്ചി​ത തൊ​ഴി​ൽ ക​രാ​ർ. അ​ങ്ങ​നെ​യു​ള്ള ക​രാ​ർ കാ​ലാ​വ​ധി​ക്കു​മു​മ്പേ റ​ദ്ദു​ചെ​യ്യാ​ൻ പാ​ടി​ല്ല.

അ​ഥ​വാ റ​ദ്ദു​ചെ​യ്താ​ൽ ക​രാ​ർ പ്ര​കാ​രം എ​​ന്തെ​ങ്കി​ലും ന​ഷ്ട​പ​രി​ഹാ​രം ന​ൽ​ക​ണ​മെ​ന്ന് വ്യ​വ​സ്ഥ​യു​ണ്ടെ​ങ്കി​ൽ അ​ത് ആ​വ​ശ്യ​പ്പെ​ടാ​ൻ തൊ​ഴി​ലു​ട​മ​ക്ക് അ​വ​കാ​ശ​മു​ണ്ട്. അ​ത് തൊ​ഴി​ലാ​ളി ന​ൽ​കേ​ണ്ടി വ​രും. കൂ​ടു​ത​ൽ വി​വ​ര​ങ്ങ​ൾ അ​റി​യ​ണ​മെ​ങ്കി​ൽ എ​ല്ലാ രേ​ഖ​ക​ളും സ​ഹി​തം ഒ​രു ബ​ഹ്റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.