മനാമ: പീപ്പിൾസ് ഫോറം, ബഹ്റൈൻ ചികിൽസ സഹായം നൽകി. നാദാപുരം പഞ്ചായത്തിലെ വരിക്കോളിയിൽ കുറ്റിയിൽ ചന്ദ്രൻ -സുനിത ദമ്പതികളുടെ മകൻ ആരവ് കൃഷ്ണക്കാണ് സഹായമെത്തിച്ചത്. ഗ്ലുക്കോമ ബാധിച്ച് ഒരു കണ്ണിന് കാഴ്ച നഷ്ടപ്പെട്ട രണ്ടു വയസ്സുകാരനായ ആരവ് കൃഷ്ണയുടെ അടുത്ത കണ്ണിനും മങ്ങലുണ്ടായിരിക്കുകയാണ്. പീപ്പിൾസ് ഫോറം പ്രവർത്തകരിൽ നിന്നും സമാഹരിച്ച തുകയായ 40,000 രൂപ പീപ്പിൾസ് ഫോറം വൈസ് പ്രസിഡൻറ് ശ്രീജൻ,മാമീർ ഏരിയാ കോ-ഓർഡിനേറ്റർ നിബിൻ രാജ് എന്നിവർ കൈമാറി. ദീർഘ നാളത്തെ വിദഗ്ധ ചികിത്സയിലൂടെ കണ്ണുകളിൽ പ്രകാശമേകുവാൻ സാധിക്കുമെന്നാണ് ഡോക്ടർ അറിയിച്ചത്. സഹായിച്ച എല്ലാ സുമനസുകൾക്കും നന്ദി അറിയിക്കുന്നതായി കുടുംബാംഗങ്ങൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.