മനാമ: മുൻ കേരള പൊതുമരാമത്ത് മന്ത്രിയും മുസ്ലിം ലീഗ് നേതാവുമായ വി.കെ. ഇബ്രാഹിം കുഞ്ഞിന്റെ നിര്യാണത്തിൽ കെ.എം.സി.സി ബഹ്റൈൻ അനുശോചിച്ചു.
സംസ്ഥാനത്തിന്റെ അടിസ്ഥാന സൗകര്യ വികസനത്തിൽ വി.കെ. ഇബ്രാഹിം കുഞ്ഞിന്റെ സംഭാവന വളരെ വലുതാണെന്ന് കെ.എം.സി.സി ബഹ്റൈൻ പ്രസിഡന്റ് ഹബീബ് റഹ്മാൻ, ജനറൽ സെക്രട്ടറി ശംസുദ്ദീൻ വെള്ളികുളങ്ങര എന്നിവർ അനുശോചന സന്ദേശത്തിൽ അറിയിച്ചു.
പ്രാസ്ഥാനിക രംഗത്തും വിലമതിക്കാനാകാത്ത പ്രവർത്തനത്തിനുടമയായ വി.കെ. ഇബ്രാഹിം കുഞ്ഞിന്റെ നിര്യാണം മുസ്ലിം ലീഗ് പ്രസ്ഥാനത്തിനും സമൂഹത്തിനും നാടിനും തീരാനഷ്ടം തന്നെയാണെന്ന് നേതാക്കൾ പറഞ്ഞു. കുടുംബത്തിന്റെ ദുഃഖത്തിൽ കെ.എം.സി.സി ബഹ്റൈൻ പങ്കുകൊള്ളുന്നതായി നേതാക്കൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.