മനാമ: ചൈനയിൽ നടന്നുവരുന്ന അറബ്-ചൈനീസ് സഹകരണ സേമ്മളനത്തിൽ ബഹ്റൈൻ വിദേശ മന്ത്രി ശൈഖ് ഖാലിദ് ബിൻ അഹ്മദ് ബിൻ മുഹമ്മദ് ആൽ ഖലീഫ പെങ്കടുക്കുന്നു. സമ്മേളനത്തിൽ സംബന്ധിക്കുന്ന അദ്ദേഹം ചൈനീസ് പ്രസിഡൻറ് ക്സി ജിൻപിൻങിനും ചൈനീസ് ജനതക്കും ഉള്ള ബഹ്റൈൻ രാജാവ് ഹമദ് ബിൻ ഇൗസ ആൽ ഖലീഫയുടെ ആശംസകൾ കൈമാറി.
ഒപ്പം ചൈനയും അറബ് രാജ്യങ്ങളും തമ്മിലുള്ള സഹകരണം വിവിധ മേഖലകളിൽ വികസന ഭദ്രത നൽകിയതായും ചൂണ്ടിക്കാട്ടി. ബീയ്ജിങ്ങിൽ സമ്മേളനം ചൈനീസ് പ്രസിഡൻറ് ക്സി ജിൻപിംങ് ഉദ്ഘാടനം ചെയ്തു. കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബർ അൽ സബാഹ് ഉദ്ഘാടന സെഷനിൽ പ്രഭാഷണം നടത്തി.
പ്രസിഡൻറ് ക്സി ജിൻപിംങ് 2013 ൽ തുടക്കമിട്ട ചൈന-അറബ് സഹകരണപദ്ധതിയെ കുറിച്ച് സമ്മേളനം ചർച്ച ചെയ്യും. മേഖലയുടെ വികസനം, അന്താരാഷ്ട്ര വിഷയങ്ങൾ എന്നിവയും ചർച്ചയാകും. സമ്മേളനത്തിെൻറ ഭാഗമായി ബഹ്റൈൻ മന്ത്രി ചൈനീസ് സ്റ്റേറ്റ് കൗൺസിലറും വിദേശ മന്ത്രിയുമായ വാങ് യിയുമായി ചർച്ച നടത്തുകയും വിവിധ സഹകരണ ഉടമ്പടികളിൽ ഒപ്പിടുകയും ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.