നെറ്റ്ഫ്ലിക്സ്, സീ5, പ്രൈം വിഡിയോ തുടങ്ങിയ ഒ.ടി.ടി പ്ലാറ്റ്ഫോമുകളിലായി ഈ ആഴ്ച മൂന്ന് പ്രധാന ഹിന്ദി ചിത്രങ്ങളാണ് റിലീസ് ചെയ്യുന്നത്.
പരം വീർ ചക്ര അവാർഡ് ജേതാവ് മേജർ ഷൈതൻ സിങ് ഭാട്ടിയായി നടൻ ഫർഹാൻ അക്തർ അഭിനയിക്കുന്ന '120 ബഹദൂർ' ഒ.ടി.ടിയിലേക്ക്. ഈ യുദ്ധ ചിത്രം 1962ലെ റെസാങ് ലാ യുദ്ധത്തെ ആസ്പദമാക്കിയുള്ളതാണ്. മേജർ ഷൈത്താൻ സിങ്ങിന്റെയും അദ്ദേഹത്തിന്റെ ധീരരായ സൈനികരുടെയും കഥ പറയുന്ന ഈ ചിത്രം ജനുവരി 16 മുതൽ ആമസോൺ പ്രൈം വിഡിയോ സ്ട്രീമിങ് ആമസോൺ പ്രൈം വിഡിയോ ആരംഭിക്കും. 2025 നവംബർ 21നാണ് ചിത്രം റിലീസ് ചെയ്തത്. രസ്നീഷ് റേസി ഘായ് ആണ് ഈ ചിത്രം സംവിധാനം ചെയ്തിരിക്കുന്നത്. ഫർഹാൻ അക്തർ, റാഷി ഖന്ന, സ്പർശ് വാലിയ, വിവൺ ഭതേന, ധൻവീർ സിങ്, ദിഗ്വിജയ് പ്രതാപ്, സാഹിബ് വർമ, അങ്കിത് സിവാച്ച് എന്നിവരും ചിത്രത്തിൽ അഭിനയിക്കുന്നുണ്ട്.
ഇമ്രാൻ ഹാഷ്മി നായകനാകുന്ന ഈ ക്രൈം ത്രില്ലർ വെബ് സീരീസ് അന്താരാഷ്ട്ര കള്ളക്കടത്ത് സംഘങ്ങളെ പിടികൂടുന്ന കസ്റ്റംസ് ഉദ്യോഗസ്ഥരുടെ കഥയാണ് പറയുന്നത്. ഈ സീരീസ് ജനുവരി 14 മുതൽ നെറ്റ്ഫ്ലിക്സിലൂടെ കാണാം. നീരജ് പാണ്ഡെ ഒരുക്കിയ 'തസ്കരി: ദ സ്മഗ്ലേഴ്സ് വെബ്ബി'ൽ സ്മഗ്ലിങ് സംഘങ്ങളെ തകർക്കാൻ ചുമതലപ്പെടുത്തിയ ഒരു കസ്റ്റംസ് ഉദ്യോഗസ്ഥന്റെ വേഷമാണ് ഇമ്രാൻ അവതരിപ്പിക്കുന്നത്. കസ്റ്റംസ്, കള്ളക്കടത്ത്, സുരക്ഷാ പ്രവർത്തനങ്ങൾ എന്നിവയെക്കുറിച്ചാണ് ഈ പരമ്പര സംസാരിക്കുന്നത്.
റിതേഷ് ദേശ്മുഖ്, വിവേക് ഒബ്റോയ്, അഫ്താബ് ശിവ്ദാസാനി എന്നിവർ വീണ്ടും ഒന്നിക്കുന്ന ഒരു കോമഡി ചിത്രമാണിത്. മസ്തി ഫ്രാഞ്ചൈസിയിലെ നാലാം ഭാഗമായ ഈ ചിത്രം ജനുവരി 16ന് സീ5ലൂടെ സ്ട്രീം ചെയ്യും. മിലാപ് സാവേരിയാണ് ഈ ചിത്രം സംവിധാനം ചെയ്യുന്നത്. എക്സൽ മൂവീസ്, ഇന്ദ്ര കുമാർ, അശോക് തക്കറിയ എന്നിവർ ചേർന്നാണ് ചിത്രം നിർമിക്കുന്നത്. 2004ൽ പുറത്തിറങ്ങിയ മസ്തി വലിയ വിജയമായിരുന്നു. തുടർന്ന് ഗ്രാൻഡ് മസ്തി, ഗ്രേറ്റ് ഗ്രാൻഡ് മസ്തി എന്നീ ഭാഗങ്ങളും പുറത്തിറങ്ങി. ഏകദേശം 9 വർഷത്തെ ഇടവേളക്ക് ശേഷമാണ് ഈ കൂട്ടുകെട്ട് വീണ്ടും ഒന്നിക്കുന്നത് എന്നത് ആരാധകർക്കിടയിൽ വലിയ ആവേശം ഉണ്ടാക്കിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.