പിറന്നാൾ ദിനത്തിൽ നായകൻ ഗോകുൽ സുരേഷിന് സർപ്രൈസ് വീഡിയോ ഒരുക്കി 'ഗഗനചാരി' ടീം. അജിത് വിനായക ഫിലിംസിെൻറ ബാനറിൽ വിനായക അജിത് നിർമിക്കുന്ന സിനിമയാണ് ഗഗനചാരി. അരുൺ ചന്ദു ആണ് സംവിധാനം ചെയ്യുന്നത്. സാജൻ ബേക്കറിക്കുശേഷം അരുൺ ചന്ദു സംവിധാനം ചെയ്യുന്ന ചിത്രമാണ് ഗഗനചാരി.ഗോകുൽ സുരേഷ്, അനാർക്കലി മരയ്ക്കാർ, ഗണേഷ് കുമാർ, അജു വർഗീസ് എന്നിവർ പ്രാധാന വേഷങ്ങളിൽ എത്തുന്ന ഗഗനചാരി സയൻസ് ഫിക്ഷൻ 'മോക്കുമെൻററി' സിനിമയാണ്.
ശിവ സായിയും, അരുൺ ചന്ദുവും തിരക്കഥ ഒരുക്കിയ ഈ ചിത്രത്തിന് ഛായാഗ്രഹണം നിർവഹിച്ചിരിക്കുന്നത് സുർജിത്ത് എസ് പൈ ആണ്. അങ്കമാലി ഡയറീസ്, അനുരാഗ കരിക്കിൻ വെള്ളം, ജെല്ലിക്കട്ട് എന്നീ ചിത്രങ്ങൾക്ക് സംഗീതം നൽകിയ പ്രശാന്ത്‌ പിള്ളയാണ് സംഗീത സംവിധായകൻ. എം. ബാവയാണ് ചിത്രത്തിെൻറ കലാസംവിധായകൻ. അരവിന്ദ് മന്മദൻ, സീജേ അച്ചു എന്നിവരാണ് ചിത്രസംയോജനം.
കള സിനിമക്ക് ആക്ഷൻ രംഗങ്ങൾ ഒരുക്കിയ സ്റ്റണ്ട് മാസ്റ്റർ ഫിനിക്സ് പ്രഭു ആണ് സംഘട്ടനം നിർവഹിച്ചിരിക്കുന്നത്. വീ എഫ് എക്സിന് പ്രാധാന്യം ഉള്ള ചിത്രത്തിെൻറ ഗ്രാഫിക്സ് ചെയ്യുന്നത് മെറാക്കി സ്റ്റുഡിയോസ് ആണ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.