സിനിമാ പ്രേമികൾ ഏറെ ആവേശത്തോടെ കാത്തിരിക്കുന്ന ദുൽഖർ സൽമാന്റെ ഐ ആം ഗെയിമിന്റെ പുത്തൻ പോസ്റ്റർ പുറത്തു വിട്ടിരിക്കുകയാണ് അണിയറപ്രവർത്തകർ. ആഗസ്റ്റ് 20ന് സിനിമ തിയേറ്ററുകളിലെത്തും. ദുൽഖർ സൽമാന്റെ തന്നെ പ്രൊഡക്ഷൻ കമ്പനിയായ വേഫെറർ ഫിലിംസിന്റെ ബാനറിൽ ദുൽഖർ സൽമാൻ, ജോം വർഗീസ് എന്നിവർ ചേർന്നാണ് ചിത്രം നിർമ്മിക്കുന്നത്.
നൂറിലധികം ലൊക്കേഷനുകളിൽ ചിത്രീകരിച്ച സിനിമ ദുൽഖറിന്റെ കരിയറിലെ തന്നെ മികച്ച ചിത്രങ്ങളിലൊന്നായിരിക്കുമെന്നാണ് ദുൽഖർ സൽമാൻ പറഞ്ഞത്. കയാദു ലോഹറാണ് ദുൽഖറിന്റെ നായികയായെത്തുന്നത്. വൻ താരനിര അണിനിരക്കുന്ന ചിത്രത്തിനെ സംഗീതം ജേക്സ് ബിജോയ് ആണ്. ജിംഷി ഖാലിദാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്.
മൂന്ന് വർഷത്തെ ഇടവേളക്കു ശേഷമാണ് ദുൽഖറിന്റെ ഒരു മലയാളം സിനിമ പുറത്തു വരുന്നത്. ആർ.ഡി.എക്സിലൂടെ ശ്രദ്ധേയനായ നഹാസ് ഹിദായത്താണ് ഐ ആം ഗെയിമിന്റെ സംവിധായകൻ. ആക്ഷൻ ത്രില്ലർ ചിത്രം പാൻ ഇന്ത്യൻ റിലീസായാണ് എത്തുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.