മുംബൈ: രോഗക്കിടക്കയിൽ ആത്മവിശ്വാസം നഷ്ടപ്പെട്ടവർക്ക് ഊർജം നൽകുന്ന വാക്കുകളുമായി ബോളിവുഡ് നടി സൊനാലി ബേന്ദ്രെ. അർബുദരോഗത്തെ പൊരുതി തോൽപ്പിച്ച് ജീവിതത്തിലേക്ക് കടന്നുവന്ന സൊനാലിയുടെ ഇൻസ്റ്റഗ്രാം പോസ്റ്റ് നിരവധി പേരാണ് ഷെയർ ചെയ്തത്. അർബുദരോഗം ബാധിച്ചപ്പോഴും അതിന് ശേഷവുമുള്ള ചിത്രം പങ്കുവെച്ചാണ് സൊനാലിയുടെ കുറിപ്പ്.
കാലം എത്രവേഗമാണ് കടന്നുപോകുന്നത്. പിറകിലേക്ക് നോക്കുമ്പോൾ ഇച്ഛാശക്തിയും ദൗർബല്യവുമാണ് കാണാനാകുന്നത്. പ്രധാനമേറിയത് ഇതൊന്നുമല്ല, അർബുധരോഗം ഒരിക്കലും തന്റെ ജീവിതം എങ്ങിനെയാകണമെന്ന് തീരുമാനിക്കരുതെന്ന എന്റെ ദൃഢനിശ്ചയമുണ്ടായിരുന്നു -സൊനാലി കുറിച്ചു.
നിങ്ങളുടെ ലോകം എങ്ങിനെയാകണമെന്ന് നിങ്ങളാണ് തീരുമാനിക്കേണ്ടത്. ആ യാത്ര നിങ്ങളുടെ കൈകളിലാണ് സൊനാലി കൂട്ടിച്ചേർത്തു.
സോയ അക്തർ, അഭിഷേക് ബച്ചൻ തുടങ്ങി പ്രമുഖരെല്ലാം സൊനാലിയുടെ പോസ്റ്റിന് കമൻ്റുകളുമായി രംഗത്തെത്തി.
2018ലാണ് സൊനാലിക്ക് അർബുദരോഗം സ്ഥിരീകരിക്കുന്നത്. അമേരിക്കയിൽ ചികിത്സക്ക് ശേഷമാണ് അവർ ഇന്ത്യയിൽ തിരിച്ചെത്തിയത്. രോഗാവസ്ഥയെ കുറിച്ചും ചികിത്സക്കിടെ അനുഭവപ്പെട്ട മാനസികവും ശാരീരികവുമായ പ്രയാസങ്ങളെ കുറിച്ചുമെല്ലാം താരം മുമ്പും ആരാധകരുമായി പങ്കുവച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.