ഗ്രാ​മ​വും തീ​ര​വും കൈ​യി​ലെ​ടു​ത്ത്​ ജ​ലീ​ൽ, ശമ്പളം അ​ർ​ബു​ദ രോ​ഗി​ക​ൾ​ക്കെ​ന്ന് ഫിറോസ്​; തവനൂർ തിളച്ചുമറിയുന്നു

നി​റ​ഞ്ഞ പു​ഞ്ചി​രി​യാ​ണ് ഇ​ട​ത്​ സ്വ​ത​ന്ത്ര സ്ഥാ​നാ​ർ​ഥി ഡോ. ​കെ.​ടി. ജ​ലീ​ലി​െൻറ സ​വി​ശേ​ഷ​ത. വ​യോ​ജ​ന​ങ്ങ​ളോ​ട് വാ​ത്സ​ല്യം പ്ര​ക​ടി​പ്പി​ച്ചും കു​ട്ടി​ക​ളെ താ​ലോ​ലി​ച്ചു​മെ​ല്ലാം അ​ദ്ദേ​ഹം പ്ര​ചാ​ര​ണ​ത്തി​ൽ മു​ന്നേ​റു​ന്നു. ഞാ​യ​റാ​ഴ്ച തീ​ര​ദേ​ശ മേ​ഖ​ല​യി​ലാ​ണ് ര​ണ്ടാം​ഘ​ട്ട പ​ര്യ​ട​നം ന​ട​ത്തി​യ​ത്.

രാ​വി​ലെ പു​റ​ത്തൂ​ർ ഗോ​മു​ഖ​ത്ത് നി​ന്നാ​യി​രു​ന്നു തു​ട​ക്കം. തു​ട​ർ​ന്ന് ബൈ​ക്കു​ക​ളു​ടെ അ​ക​മ്പ​ടി​യോ​ടെ തു​റ​ന്ന ജീ​പ്പി​ൽ അ​ടു​ത്ത സ്വീ​ക​ര​ണ കേ​ന്ദ്ര​ത്തി​ലേ​ക്ക്. ക​ട​ന്നു​പോ​കു​ന്ന വ​ഴി​യി​ൽ വോ​ട്ട​ർ​മാ​രെ കൈ​വീ​ശി കാ​ണി​ച്ചും ചി​ല​പ്പോ​ൾ വാ​ഹ​ന​ത്തി​ൽ നി​ന്നി​റ​ങ്ങി​യു​മെ​ല്ലാം വോ​ട്ട​ഭ്യ​ർ​ഥ​ന. മം​ഗ​ലം പ​ഞ്ചാ​യ​ത്തി​ലെ ഇ​സ്മ​യി​ൽ ന​ഗ​ർ, തെ​ക്കെ കൂ​ട്ടാ​യി, മൂ​ന്നാം​കു​റ്റി, ഫി​ഷ​റീ​സ്​ കോ​ള​നി, ആ​ശാ​ൻ​പ​ടി എ​ന്നി​വി​ട​ങ്ങ​ളി​ലും സ്വീ​ക​ര​ണം ഏ​റ്റു​വാ​ങ്ങി.

എ​ല്ലാ​യി​ട​ത്തും കൊ​ന്ന​പ്പൂ​ക്ക​ൾ ന​ൽ​കി​യാ​ണ് പ്ര​വ​ർ​ത്ത​ക​ർ സ്ഥാ​നാ​ർ​ഥി​യെ എ​തി​രേ​ൽ​ക്കു​ന്ന​ത്. ന​ട​പ്പാ​ക്കി​യ വി​ക​സ​ന പ​ദ്ധ​തി​ക​ൾ ഒ​രോ​ന്നും അ​ക്ക​മി​ട്ട് നി​ര​ത്തി​യാ​ണ് സ്വീ​ക​ര​ണ കേ​ന്ദ്ര​ങ്ങ​ളി​ലെ ഡോ. ​ജ​ലീ​ലി​െൻറ സം​സാ​രം. ഉ​ച്ച​ക്ക്​ ശേ​ഷം പു​റ​ത്തൂ​ർ ക​യ​ർ സൊ​സൈ​റ്റി​യി​ൽ നി​ന്നാ​ണ് പ​ര്യ​ട​നം ആ​രം​ഭി​ച്ച​ത്. തു​ട​ർ​ന്ന് പാ​ലം​പ​ടി, ഉ​ണ്ട​പ​ടി മി​ച്ച​ഭൂ​മി, മു​ല്ല​വ​ള​പ്പ് എ​ന്നി​വി​ട​ങ്ങ​ളി​ലെ സ്വീ​ക​ര​ണ​ശേ​ഷം മ​ഠ​ത്തി​ൽ​പ​ടി​യി​ൽ സ​മാ​പി​ച്ചു.

ഞാ​ൻ ഫി​റോ​സ് കു​ന്നം​പ​റ​മ്പി​ലാ​ണ്...

ഫേ​സ്​​ബു​ക്ക് ലൈ​വി​ലെ പ​തി​വ് സം​ഭാ​ഷ​ണം പോ​ലെ 'ഞാ​ൻ ഫി​റോ​സ് കു​ന്നം​പ​റ​മ്പി​ലാ​ണ്​' എ​ന്ന് അ​ഭി​സം​ബോ​ധ​നം ചെ​യ്താ​ണ് യു.​ഡി.​എ​ഫ് സ്ഥാ​നാ​ർ​ഥി മി​ക്ക വേ​ദി​ക​ളി​ലും പ്ര​സം​ഗം ആ​രം​ഭി​ക്കു​ന്ന​ത്. ഞാ​യ​റാ​ഴ്ച എ​ട​പ്പാ​ൾ പ​ഞ്ചാ​യ​ത്തി​ലെ വ​ലി​യ പാ​ല​ത്തി​ൽ നി​ന്നാ​ണ് യാ​ത്ര തു​ട​ങ്ങി​യ​ത്. ഗാ​യ​ക​ൻ എ​ട​പ്പാ​ൾ ബാ​പ്പു, നാ​ട്ടു​വൈ​ദ്യ​ൻ വേ​ലു വൈ​ദ്യ​ർ എ​ന്നി​വ​രെ സ​ന്ദ​ർ​ശി​ച്ച ശേ​ഷം ശ​ബ​രി​മ​ല മു​ൻ മാ​ളി​ക​പ്പു​റം മേ​ൽ​ശാ​ന്തി പി.​എം. മ​നോ​ജ് എ​​​മ്പ്രാ​ന്തി​രി​യു​ടെ പൊ​ൽ​പ്പാ​ക്ക​ര​യി​ലെ വീ​ട്ടി​ൽ എ​ത്തി അ​നു​ഗ്ര​ഹം വാ​ങ്ങി.

പെ​രു​മ്പ​റ​മ്പ് മേ​ഖ​ല​യി​ലെ രോ​ഗ​ബാ​ധി​ത​രാ​യ ആ​ളു​ക​ളെ സ​ന്ദ​ർ​ശി​ച്ചു. ഉ​ച്ച​ക്ക്​ ശേ​ഷം വെ​ങ്ങി​നി​ക്ക​ര, വൈ​ദ്യ​ർ​മൂ​ല പൂ​ക്ക​ര​ത്ത​റ, അ​യി​ല​ക്കാ​ട് എ​ന്നി​വി​ട​ങ്ങ​ളി​ലെ കു​ടും​ബ​യോ​ഗ​ങ്ങ​ളി​ൽ പ​ങ്കെ​ടു​ത്തു. എം.​എ​ൽ.​എ ആ​യാ​ൽ കി​ട്ടു​ന്ന ശ​മ്പ​ളം അ​ർ​ബു​ദ രോ​ഗി​ക​ൾ​ക്കാ​യി മാ​റ്റി​വെ​ക്കു​മെ​ന്ന് കു​ടും​ബ​യോ​ഗ​ത്തി​ൽ പ​റ​ഞ്ഞു. അ​യി​ല​ക്കാ​ട്ട്​ മ​ര​ണ​വീ​ട്ടി​ലെ​ത്തി ബ​ന്ധു​ക്ക​ളെ ആ​ശ്വ​സി​പ്പി​ച്ചു.

കോ​ല​ത്താ​ണ് പ​ര്യ​ട​നം സ​മാ​പി​ച്ച​ത്. കു​ടും​ബ​യോ​ഗ​ങ്ങ​ളി​ൽ ഡി.​സി.​സി പ്ര​സി​ഡ​ൻ​റ് ആ​ര്യാ​ട​ൻ ഷൗ​ക്ക​ത്തി​െൻറ സാ​ന്നി​ധ്യ​വു​മു​ണ്ടാ​യി​രു​ന്നു. എ​ൻ.​ഡി.​എ സ്​​ഥാ​നാ​ർ​ഥി ര​മേ​ശ്, എ​സ്.​ഡി.​പി.​ഐ ടി​ക്ക​റ്റി​ൽ മ​ത്സ​രി​ക്കു​ന്ന ഹ​സ​ൻ ചി​യ്യാ​നൂ​ർ എ​ന്നി​വ​രും മ​ണ്ഡ​ല​ത്തി​ലെ വി​വി​ധ മേ​ഖ​ല​ക​ളി​ൽ പ്ര​ചാ​ര​ണ പ്ര​വ​ർ​ത്ത​ന​ങ്ങ​ളു​മാ​യി സ​ജീ​വ​മാ​ണ്.