പെരുമ്പാവൂർ: 739 മില്ലിഗ്രാം എം.ഡി.എം.എയുമായി യുവാവ് പിടിയിലായി. ഇരിങ്ങോൾ മുത്തങ്ങശ്ശേരി വീട്ടിൽ സചിനാണ് (25) പിടിയിലായത്. കുന്നത്തുനാട് എക്സൈസ് സി.ഐ ബി. സുമേഷും സംഘവും ഇരിങ്ങോൾ ഭാഗത്ത് നടത്തിയ പരിശോധനയിലാണ് ഇയാളിൽനിന്ന് എം.ഡി.എം.എ പിടികൂടിയത്.
പെരുമ്പാവൂർ ടൗൺ കേന്ദ്രീകരിച്ച് ലഹരി വിൽപന നടത്തുന്ന സചിൻ എക്സൈസിന്റെ നിരീക്ഷണത്തിലായിരുന്നു. വിപണിയിൽ 20,000 രൂപയോളം വില വരും പിടിച്ചെടുത്ത ലഹരിമരുന്നിന്. പരിശോധനയിൽ ഓഫിസർ പി.ടി. സാജു, സിവിൽ എക്സൈസ് ഓഫിസർമാരായ ഷമീർ, സോബിൻ ജോസ് അസൈനാർ, വികാന്ത്, രാജേഷ്, വനിത സിവിൽ എക്സൈസ് ഓഫിസർ ടിന്റു, ഡ്രൈവർ സുരേഷ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.