സായൂജ്
കൊയിലാണ്ടി: വെള്ളം ചോദിച്ചെത്തി വീട്ടമ്മയുടെ മാല കവർന്ന് കടന്നുകളഞ്ഞ യുവാവ് അറസ്റ്റിൽ. ഒള്ളൂർ സ്വദേശി സായൂജ് (23) ആണ് അറസ്റ്റിലായത്. കൊയിലാണ്ടി ജയില് റോഡിലെ മൊയ്തീൻ പള്ളിക്കു സമീപം സി.കെ ഹൗസില് നഫീസയുടെ മാലയാണ് കവർന്നത്. വീട്ടമ്മ വെള്ളമെടുക്കാൻ അടുക്കളയിലേക്ക് പോയപ്പോൾ പിന്തുടർന്ന് രണ്ടരപ്പവന്റെ മാല പൊട്ടിച്ചെടുത്ത് ഓടിപ്പോകുകയായിരുന്നു. വീട്ടില് മറ്റാരുമില്ലാത്ത സമയത്താണ് യുവാവ് എത്തിയത്. നഫീസയുടെ നിലവിളികേട്ട് സമീപവാസികൾ എത്തുമ്പോഴേക്കും യുവാവ് രക്ഷപ്പെട്ടിരുന്നു. ഗേറ്റ് കടന്ന് ഓടുന്ന ദൃശ്യം നിരീക്ഷണക്കാമറയിൽ പതിഞ്ഞിരുന്നു. ഇത് മോഷ്ടാവിനെ പിടികൂടുന്നതിന് സഹായകമായി. സി.ഐ എന്. സുനില് കുമാര്, എസ്. ഐ എം.എല്. അനൂപ്, എസ്.ഐ ഫിറോസ്, സി.പി.ഒ അനൂപ്, രാഗി എന്നിവര് ചേര്ന്നാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.