വീട്ടിലെത്തിയവർ സ്ത്രീയെ ആക്രമിച്ച് പരിക്കേൽപ്പിച്ചു

പേരാമ്പ്ര: മുതുകാട് ചെങ്കോട്ടക്കൊല്ലിയിൽ വീട്ടിൽ കയറി വീട്ടമ്മയെ ആക്രമിച്ച് പരിക്കേൽപ്പിച്ചതായി പരാതി. കേളംപൊയിൽ ജാനൂട്ടിക്കാണ് (50) തലക്ക് പരിക്കേറ്റത്. നാലംഗ സംഘമാണ് തിങ്കളാഴ്ച്ച രാത്രി 7.30തോടെ അക്രമണം നടത്തിയത്.

ഇരുമ്പ് ദണ്ഡ് ഉപയോഗിച്ചാണ് തലക്ക് അടിച്ചതെന്ന് മകൻ പറഞ്ഞു. പേരാമ്പ്ര താലൂക്ക് ആശുപത്രിയിൽ നിന്നും പ്രാഥമിക ചികിത്സക്ക് ശേഷം കോഴിക്കോട് ഗവ. മെഡിക്കൽ കോളജ് ആശുപത്രിയിലേക്ക് മാറ്റി.