അന്തർജില്ല മോഷ്ടാക്കൾ അറസ്റ്റിൽ

കൂ​ത്തു​പ​റ​മ്പ്: നി​ര​വ​ധി ക​വ​ർ​ച്ച കേ​സു​ക​ളി​ൽ പ്ര​തി​ക​ളാ​യ അ​ന്ത​ർ​ജി​ല്ല മോ​ഷ്ടാ​ക്ക​ളെ കൂ​ത്തു​പ​റ​മ്പ് പൊ​ലീ​സ് അ​റ​സ്റ്റ് ചെ​യ്തു. വി​വി​ധ ജി​ല്ല​ക​ളി​ല്‍നി​ന്നാ​യി സ്വ​ര്‍ണ​മാ​ല​ക​ളും ബൈ​ക്കു​ക​ളും ക​വ​ര്‍ച്ച ചെ​യ്ത കോ​ട്ട​യം സ്വ​ദേ​ശി​ക​ളാ​യ ര​ണ്ടു​പേ​രെ​യാ​ണ് കൂ​ത്തു​പ​റ​മ്പ് എ.​സി.​പി പ്ര​ദീ​പ​ന്‍ ക​ണ്ണി​പൊ​യി​ലി​ന്റെ നേ​തൃ​ത്വ​ത്തി​ല്‍ അ​റ​സ്റ്റ് ചെ​യ്ത​ത്.

കു​പ്ര​സി​ദ്ധ മോ​ഷ്ടാ​ക്ക​ളാ​യ കോ​ട്ട​യം ഭ​ര​ണ​ങ്ങാ​ന​ത്തെ വി.​ടി. അ​ഭി​ലാ​ഷ്, പൂ​ഞ്ഞാ​റി​ലെ കീ​രി സു​നി എ​ന്ന സു​നി​ൽ സു​രേ​ന്ദ്ര​ൻ എ​ന്നി​വ​രാ​ണ് അ​റ​സ്റ്റി​ലാ​യ​ത്. ന​വം​ബ​റി​ൽ പ്ര​തി​ക​ൾ ത​ല​ശ്ശേ​രി റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്ന് ബൈ​ക്ക് മോ​ഷ്ടി​ച്ചി​രു​ന്നു. ഈ ​ബൈ​ക്കു​മാ​യി സ​ഞ്ച​രി​ച്ച് ക​തി​രൂ​രി​ൽ​നി​ന്ന് സ്ത്രീ​യു​ടെ സ്വ​ർ​ണ​മാ​ല മോ​ഷ്ടി​ക്കാ​ൻ ശ്ര​മി​ക്കു​ക​യും അ​തേ​ദി​വ​സം ത​ന്നെ കൂ​ത്തു​പ​റ​മ്പ് പാ​റാ​ലി​ലെ ശോ​ഭ കാ​രാ​യി​യു​ടെ മൂ​ന്ന് പ​വ​നോ​ളം വ​രു​ന്ന മാ​ല പൊ​ട്ടി​ച്ച് ക​ട​ന്നു​ക​ള​യു​ക​യും ചെ​യ്തി​രു​ന്നു.

കൂ​ത്തു​പ​റ​മ്പി​ലെ സം​ഭ​വ​ത്തി​നു​ശേ​ഷം പ്ര​തി​ക​ൾ ഏ​ല​ത്തൂ​രി​ൽ​നി​ന്ന് സ്ത്രീ​യു​ടെ മാ​ല മോ​ഷ്ടി​ച്ച​താ​യി പൊ​ലീ​സ് ചോ​ദ്യം​ചെ​യ്യ​ലി​നി​ടെ പ്ര​തി​ക​ൾ പ​റ​ഞ്ഞു. എ​റ​ണാ​കു​ളം, പ​ത്ത​നം​തി​ട്ട, കോ​ട്ട​യം, തൃ​ശൂ​ർ, മ​ല​പ്പു​റം, ആ​ല​പ്പു​ഴ തു​ട​ങ്ങി​യ ജി​ല്ല​ക​ളി​ലാ​യി സ്വ​ർ​ണ​മാ​ല​ക​ളും ബൈ​ക്കും ക​വ​ർ​ച്ച ചെ​യ്ത് 30ല​ധി​കം കേ​സു​ക​ൾ ഇ​വ​ർ​ക്കു​ണ്ട്. അ​ഭി​ലാ​ഷി​നെ കോ​ട്ട​യം കെ.​എ​സ്ആ​ർ.​ടി.​സി ബ​സ് സ്റ്റാ​ൻ​ഡി​ൽ​നി​ന്നും സു​നി​ലി​നെ മ​ല​പ്പു​റം ജി​ല്ല​യി​ലെ പെ​രി​ന്ത​ൽ​മ​ണ്ണ​യി​ൽ​നി​ന്നു​മാ​ണ് പൊ​ലീ​സ് സം​ഘം പി​ടി​കൂ​ടി​യ​ത്. മ​ല​പ്പു​റം മ​ഞ്ചേ​രി​യി​ൽ ഉ​പേ​ക്ഷി​ച്ച ബൈ​ക്കും ക​ണ്ടെ​ത്തി. സ്വ​ർ​ണ​മാ​ല പ്ര​തി​ക​ൾ മ​ധു​ര​യി​ൽ വി​ൽ​ക്കു​ക​യാ​യി​രു​ന്നു. കൂ​ത്തു​പ​റ​മ്പ് എ.​സി.​പി പ്ര​ദീ​പ​ൻ ക​ണ്ണി​പ്പൊ​യി​ലി​ന് പു​റ​മെ എ.​സി.​പി സ്ക്വാ​ഡ് അം​ഗ​ങ്ങ​ളാ​യ എ.​എ​സ്.​ഐ മി​നീ​ഷ് കു​മാ​ർ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ കെ.​എ. സു​ധി, രാ​ഹു​ൽ ദാ​മോ​ദ​ര​ൻ, പി. ​അ​നൂ​പ് എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.