പിടിയിലായ പ്രതികൾ
പാലക്കാട്: യുവാവിനെ കുത്തികൊലപ്പെടുത്താൻ ശ്രമിച്ച കേസിൽ മൂന്നുപേർ പിടിയിൽ. കരിങ്കാരപ്പള്ളി സ്വദേശികളായ ശിവൻ (32), കിടുങ്ങൻ സുഭാഷ് എന്ന സുഭാഷ് (39), വിനു (35) എന്നിവരെയാണ് ടൗൺ സൗത്ത് പൊലീസ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
നേരത്തെ ഒന്നാം പ്രതി ദീപക്കിനെ അറസ്റ്റ് ചെയ്തിരുന്നു. ഇയാൾ ജയിലിലാണ്. കഴിഞ്ഞവർഷം ഒക്ടോബറിലാണ് സംഭവം. കൊടുമ്പ് ചെങ്കോൽ എന്ന സ്ഥലത്ത് സുഹൃത്തുമായി സംസാരിച്ചു നിൽക്കുന്ന തിരുവാലത്തൂർ സ്വദേശി ഷിബുവിനെയാണ് നാലംഗസംഘം ആക്രമിച്ചത്. ഇരുമ്പ് വടികൊണ്ട് മർദിക്കുകയും കൈകൊണ്ട് മൂക്ക് ഇടിച്ച് തകർക്കുകയും കത്തിയുപയോഗിച്ച് കുത്തുകയും ചെയ്തു. ഷിബുവിന് ഗുരുതരമായി പരിക്കേറ്റു. ദീർഘകാലം ചികിത്സയിലായിരുന്നു. ഇൻസ്പെക്ടർ ടി. ഷിജു എബ്രഹാം, എസ്.ഐ ഉദയകുമാർ, സി.പി.ഒമാരായ രാജീവ്, പ്രഭു, വിനീത്, രവി, കൃഷ്ണദാസ് എന്നിവരടങ്ങിയ സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.