കൊല്ലം: നിർമാണംനടക്കുന്ന വീട്ടിൽനിന്ന് ഇലക്ട്രിക് കേബിളുകളും ഇരുമ്പ് പൈപ്പുകളും മോഷ്ടിച്ച കേസിൽ പ്രതി പിടിയിൽ.ശക്തികുളങ്ങര കന്നിമേൽചേരി ആമച്ചിറ വീട്ടിൽ തൻസീലാണ് (23) ശക്തികുളങ്ങര പൊലീസിന്റെ പിടിയിലായത്.കന്നിമേൽ ചേരി മണ്ണൂർ പടിഞ്ഞാറ്റതിൽ അനൂപിന്റെ നിർമാണത്തിലിരിക്കുന്ന വീട്ടിൽനിന്നുമാണ് കഴിഞ്ഞ 13ന് രാത്രിയോടെ സാധനങ്ങൾ മോഷണം പോയത്.
അനൂപിന്റെ പരാതിയെ തുടർന്ന് ശക്തികുളങ്ങര പൊലീസ് കേസെടുത്ത് നടത്തിയ അന്വേഷണത്തിൽ സി.സി ടി.വി ദൃശ്യങ്ങളുടേയും മറ്റും സഹായത്തോടെ മോഷ്ടാവിനെ തിരിച്ചറിഞ്ഞ് അറസ്റ്റ് ചെയ്യുകയായിരുന്നു. അറസ്റ്റിലായ തൻസീൽ മുമ്പും പല ക്രിമിനൽ കേസുകളിലും പ്രതിയായിട്ടുണ്ട്.
ശക്തികുളങ്ങര ഇൻസ്പെക്ടർ ബിനു വർഗീസിന്റെ നിർദേശപ്രകാരം എസ്.ഐമാരായ ഐ.വി.ആശ, ഡാർവിൻ, അനിൽ കുമാർ, എ.എസ്.ഐ പ്രദീപ് പണിക്കർ, സീനിയർ സിവിൽ പൊലീസ് ഓഫിസർമാരായ ബിജു, അബുതാഹിർ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.