പട്ടിമറ്റം: പ്രായപൂർത്തിയാകാത്ത പെൺകുട്ടിയെ ഗർഭിണിയാക്കിയ ശേഷം ഒളിവിൽ പോയ യുവാവ് പിടിയിൽ. ബിഹാർ വൈശാലി ജില്ലയിൽ മഞ്ജീത് കുമാറിനെയാണ് (22) കുന്നത്തുനാട് പൊലീസ് പിടികൂടിയത്.
കഴിഞ്ഞ ഫെബ്രുവരിയിലാണ് സംഭവം. അന്തർസംസ്ഥാന തൊഴിലാളികളായ ദമ്പതികളുടെ 13 വയസ്സായ മകളെയാണ് ഇയാൾ പീഡിപ്പിച്ചത്. തുടർന്ന് ഇയാൾ ഒളിവിൽ പോയി. ബിഹാർ, ഹരിയാന, ഉത്തർപ്രദേശ് തുടങ്ങിയ സംസ്ഥാനങ്ങളിലെ ഉൾഗ്രാമങ്ങളിൽ മാറി മാറി താമസിച്ചു.
ആഗ്രയിൽനിന്നാണ് പ്രത്യേക അന്വേഷണസംഘം ഇയാളെ പിടികൂടിയത്. കടന്നുകളയാൻ ശ്രമിച്ച പ്രതിയെ സാഹസികമായി പിന്തുടർന്ന് അറസ്റ്റ് ചെയ്യുകയായിരുന്നു. ഐരാപുരത്തെ ഒരു കമ്പനിയിലായിരുന്നു പ്രതി ജോലി ചെയ്തിരുന്നത്.
എ.എസ്.പി അനുജ് പലിവാൽ, ഇൻസ്പെക്ടർ വി.പി. സുധീഷ്, എസ്.ഐ പി.വി. ജോയി, എ.എസ്.ഐ എൻ.കെ. ജേക്കബ്, എസ്.സി.പി.ഒമാരായ ടി.എ. അഫ്സൽ, ഇ.എസ്. ബിന്ദു, കെ.എ. സുബീർ തുടങ്ങിയവരാണ് അന്വേഷണ സംഘത്തിലുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.