സ്േറ്ററ്റ് ബാങ്ക് ഓഫ് ഇന്ത്യ (എസ്.ബി.ഐ) സർക്കിൾ ബേസിഡ് ഓഫിസർമാരെ തേടുന്നു. വിവിധ സർക്കിളുകളിലായി 3850 ഒഴിവുകളുണ്ട്. ഓരോ സർക്കിളിലും ലഭ്യമായ ഒഴിവുകൾ ചുവടെ. ശമ്പള നിരക്ക് 23,700-42,020 രൂപ.
അഹ്മദാബാദ് (ഗുജറാത്ത്) -750, ബംഗളൂരു (കർണാടക) -750, ഭോപാൽ (മധ്യപ്രദേശ്, ഛത്തിസ്ഗഢ്) -296/104, ചെന്നൈ (തമിഴ്നാട്) -550, ഹൈദരാബാദ് (തെലങ്കാന) 550, ജയ്പുർ (രാജസ്ഥാൻ)-300, മഹാരാഷ്ട്ര (മഹാരാഷ്ട്ര -മുംബൈ ഒഴികെ) -51, ഗോവ -33. അേപക്ഷിക്കുന്ന സർക്കിളിലേക്കാവും തെരഞ്ഞെടുക്കപ്പെടുന്നവരെ നിയമിക്കുക.
വിശദവിവരങ്ങളടങ്ങിയ വിജ്ഞാപനം https://bank.sbi/careers, www.sbi.co.in/careers എന്നീ പോർട്ടലുകളിലുണ്ട്. അപേക്ഷ നിർദേശാനുസരണം ഓൺലൈനായി ആഗസ്റ്റ് 16നകം സമർപ്പിക്കണം. അപേക്ഷഫീസ് 750 രൂപ. എസ്.സി/എസ്.ടി/പി.ഡബ്ല്യു.ഡി (ഭിന്നശേഷിക്കാർ) വിഭാഗങ്ങളിൽപെടുന്നവർക്ക് ഫീസില്ല.
യോഗ്യത: ഇന്ത്യൻ പൗരന്മാരായിരിക്കണം. ഏതെങ്കിലും ഡിസിപ്ലിനിൽ അംഗീകൃത സർവകലാശാല ബിരുദമുണ്ടായിരിക്കണം (യോഗ്യതപരീക്ഷക്ക് ലഭിച്ച മാർക്കിെൻറ ശതമാനം ഓൺലൈൻ അപേക്ഷയിൽ രേഖപ്പെടുത്തണം). പ്രായപരിധി 1.8.2020ൽ 30 വയസ്സ്. 1990 ആഗസ്റ്റ് രണ്ടിനുമുമ്പ് ജനിച്ചവരാകരുത്. സംവരണ വിഭാഗങ്ങളിൽപെടുന്നവർക്ക് ചട്ടപ്രകാരം പ്രായപരിധിയിൽ ഇളവ് അനുവദിച്ചിട്ടുണ്ട്.
ഏതെങ്കിലും ഷെഡ്യൂൾഡ് കമേഴ്സ്യൽ ബാങ്ക് അല്ലെങ്കിൽ റീജനൽ റൂറൽ ബാങ്കിൽ രണ്ടു വർഷത്തിൽ കുറയാത്ത പ്രവൃത്തി പരിചയം വേണം.
ഏതു സംസ്ഥാനത്തിലെ ഒഴിവുകൾക്കാണോ അപേക്ഷിക്കുന്നത് അവിടത്തെ പ്രാദേശിക ഭാഷ ഒരു വിഷയമായി പഠിച്ചിട്ടുണ്ടെന്ന് തെളിയിക്കുന്ന 10 അല്ലെങ്കിൽ 12 ക്ലാസ് സർട്ടിഫിക്കറ്റ് ഹാജരാക്കണം.
അപേക്ഷകരുടെ ചുരുക്കപ്പട്ടിക തയാറാക്കി എഴുത്തുപരീക്ഷ/വ്യക്തിഗത അഭിമുഖം നടത്തിയാണ് സെലക്ഷൻ. സ്റ്റേറ്റ്, കാറ്റഗറി അടിസ്ഥാനത്തിൽ തയാറാക്കുന്ന മെറിറ്റ് ലിസ്റ്റിൽനിന്നാണ് നിയമനം. കൂടുതൽ വിവരങ്ങൾ വിജ്ഞാപനത്തിലുണ്ട്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.