സ്വന്തം ഹോബി ബിസിനസാക്കി മാറ്റിയവരായിരിക്കാം ഭൂരിപക്ഷം വനിതകളും. എന്നാൽ, അതൊരു സ്ഥാപനമായി വികസിപ്പിക്കുന്നതോടെ കൂടുതൽ ഉത്തരവാദിത്തത്തോടെയും വൈദഗ്ധ്യത്തോടെയും പ്രവർത്തിപ്പിക്കുന്നതിൽ പലരും പരാജയപ്പെടുന്നു. െതാഴിൽ വൈദഗ്ധ്യവും, വ്യക്തമായ പ്രൊജക്ട് പഠനവും, സാമ്പത്തിക വിശകലനവും, വിപണിപഠനവും നടത്തിയശേഷം മാത്രമേ വ്യവസായത്തിലേക്കിറങ്ങാവൂ.
വെല്ലുവിളികളെ നേരിടാനും വെല്ലുവിളികളിൽനിന്നും പരാജയങ്ങളിൽനിന്നും പാഠങ്ങൾ ഉൾക്കൊണ്ട് ഉയിർെത്തഴുേന്നൽക്കാനുമുള്ള മാനസിക കരുത്തും ആർജിക്കേണ്ടതുണ്ട്.
സംരംഭകത്വ മേഖലകളിൽ തിളക്കമാർന്ന വിജയം കൈവരിച്ചവരുടെ എണ്ണം കുറവാണെങ്കിലും രാജ്യത്തെ മറ്റേതൊരു സംസ്ഥാനത്തെക്കാളും മുന്നിലാണ് കേരളം. ലോകത്തിലെ അറിയപ്പെടുന്ന വനിത കൂട്ടായ്മയായ കുടുംബശ്രീതന്നെ ഉദാഹരണം.
സംരംഭകത്വ മേഖലയിലേക്ക് കടന്നു വരാൻ വനിതകളെ പ്രാപ്തമാക്കുന്ന ചില പദ്ധതികൾ:
വനിത വികസന കോർപറേഷൻ
സാമ്പത്തികമായി പിന്നാക്കം നിൽക്കുന്ന സ്ത്രീകളുടെ സമഗ്ര പുരോഗതി ലക്ഷ്യമാക്കി കേരള സാമൂഹിക നീതി വകുപ്പിെൻറ കീഴിൽ പ്രവർത്തിക്കുന്ന സ്ഥാപനമാണിത്. ദേശീയ ധനകാര്യ കോർപറേഷനുകളുടെ ധനസഹായവും കേരള സർക്കാറിെൻറ പദ്ധതി വിഹിതവും ഉപയോഗിച്ച് മിതമായ നിരക്കിൽ ധനസഹായം നൽകിവരുന്നു. വനിത സംരംഭകർക്കുവേണ്ടി രണ്ട് പദ്ധതികളാണുള്ളത്.
സ്വയം തൊഴിൽവായ്പ പദ്ധതി
18നും 55നും ഇടയിലുള്ള വനിതകൾക്ക് വസ്തു അല്ലെങ്കിൽ ആൾ ജാമ്യഅടിസ്ഥാനത്തിൽ വായ്പകൾ നൽകും. ആറ് ശതമാനമാണ് പലിശ. മൂന്നു ലക്ഷം മുതൽ30 ലക്ഷം വരെ ലഭിക്കും. തിരിച്ചടവ് കാലാവധി 60 മാസം.
ലഘുവായ്പ
പിന്നാക്ക വിഭാഗത്തിൽപെട്ട പരമാവധി 20 അംഗങ്ങളുള്ള വനിത കൂട്ടായ്മക്ക് സംരംഭം ആരംഭിക്കുന്നതിന് നാല് ശതമാനം വാർഷിക പലിശ നിരക്കിൽ 10 ലക്ഷം രൂപ വരെ നൽകും. ഓരോ അംഗങ്ങൾക്കും ലഭിക്കുന്ന പരമാവധി തുക 50,000 രൂപയാണ്. 48 മാസഗഡുക്കളാണ് തിരിച്ചടവ് കാലാവധി. ന്യൂനപക്ഷ വിഭാഗത്തിൽപെട്ട ക്രെഡിറ്റ്ലൈൻ 1, 2 വരുമാന പരിധിയിൽ വരുന്ന വനിത സ്വയം സഹായ സംഘങ്ങൾക്ക് യഥാക്രമം 7, 8 എന്ന പലിശനിരക്കിൽ 20ഉം 30ഉം ലക്ഷം രൂപ വരെ വായ്പ നൽകും. അപേക്ഷ ഫോറം വെബ്സൈറ്റിൽ ലഭ്യമാണ്. (www.kswdc.org)
ശരണ്യ
വിധവകൾ, വിവാഹ മോചിത, ഭർത്താവിനെ കാണാതായ വനിതകൾ, 30നു മുകളിലുള്ള എസ്.ടി വിഭാഗത്തിൽപെട്ട അവിവാഹിത അമ്മമാർ, ശാരീരിക പരിമിതിയുള്ള സ്ത്രീകൾ എന്നിവർക്കുള്ള സ്വയം തൊഴിൽ വായ്പ പദ്ധതിയാണിത്. ലക്ഷം രൂപയിൽ താഴെ വാർഷിക വരുമാനമുള്ള 18-55 പ്രായമുള്ള വരാകണം അപേക്ഷകർ. സെക്യൂരിറ്റിയും പലിശയുമില്ലാതെ 50,000 രൂപയാണ് വായ്പ. 50 ശതമാനം സബ്സിഡി. 50,000 ത്തിനു മുകളിലുള്ള വായ്പക്ക് മൂന്നു ശതമാനം പലിശ നൽകേണ്ടി വരും. എംേപ്ലായ്മെൻറ് എക്സ്ചേഞ്ച് വഴിയാണ് അപേക്ഷ നൽകേണ്ടത്.
സർക്കാർ ഏജൻസികൾ
കേന്ദ്ര, സംസ്ഥാന സർക്കാർ, വിവിധ സർക്കാർ ഏജൻസികൾ എന്നിവ നടപ്പാക്കുന്ന സംരംഭക പദ്ധതികളിൽ വനിതകളെ പ്രത്യേകം പരിഗണിച്ച് സഹായ ആനുകൂല്യം നൽകുന്നുണ്ട്. പ്രധാനമന്ത്രിയുടെ തൊഴിൽ പദ്ധതിയായ പി.എം.ഇ.ജി.പിയിൽ ഗ്രാമീണ മേഖലയിൽനിന്നുള്ള വനിതകൾക്ക് 35 ശതമാനം സബ്സിഡിയും സംസ്ഥാന വ്യവസായ വകുപ്പ് നടപ്പാക്കുന്ന ഇ.എം.എസ് സ്കീം വനിത സംരംഭങ്ങൾക്ക് 20 ശതമാനം സബ്സിഡിയും നൽകുന്നുണ്ട്. ഖാദി ആൻഡ് വില്ലേജ് ഇൻഡസ്ട്രീസ് എെൻറ ഗ്രാമം പദ്ധതിയിൽ 30 ശതമാനം മാർജിൻ തുക സബ്സിഡിയും അഞ്ച് ലക്ഷത്തിൽ താഴെ മൂലധന ചെലവു വരുന്ന വനിത ഗാർഹിക സംരംഭങ്ങൾക്ക് വായ്പയിൽ എട്ട് ശതമാനം പലിശ സബ്സിഡിയും നൽകുന്നുണ്ട്. തദ്ദേശ സ്വയം ഭരണ സ്ഥാപനങ്ങൾ പ്രാദേശികമായി നിർമിക്കുന്ന പദ്ധതികളിലും വനിതകൾക്ക് പ്രത്യേക പരിഗണന നൽകുന്നുണ്ട്.
കേരള സ്റ്റാർട്ടപ് മിഷൻ
ടെക്നോളജി അധിഷ്ഠിത നൂതന ആശയങ്ങളിൽ ശ്രദ്ധ കേന്ദ്രീകരിക്കുന്ന വനിത സ്റ്റാർട്ടപ്പുകളെയാണ് കേരള സ്റ്റാർട്ടപ് മിഷൻ ആനുകൂല്യങ്ങളും ഇൻക്യുബേഷനും മെൻററിങ്ങുകളും നൽകി പ്രോത്സാഹിപ്പിക്കുന്നത്. വനിത സ്റ്റാർട്ടപ്പുകൾക്ക് ലഭിച്ച ഓർഡറുകളുടെ പ്രവൃത്തികൾ നടത്തുന്നതിന് വേണ്ടിവരുന്ന മൂലധനം ആറ് ശതമാനം പലിശ നിരക്കിൽ പരമാവധി 15 ലക്ഷം രൂപ വരെ വായ്പ നൽകുന്ന പദ്ധതിയാണ് സോഫ്റ്റ് ലോൺ വായ്പ പദ്ധതി.
ബാങ്കുകൾ ധനകാര്യ സ്ഥാപനങ്ങൾ
ചെറുകിട സംരംഭം നടത്തുന്ന വനിതകൾക്ക് എസ്.ബി.ഐ ശാഖകൾ നൽകുന്ന വായ്പയാണ് സ്ത്രീശക്തി പാക്കേജ്. കൃഷി ഉൽപാദനം, ചില്ലറ വ്യാപാരം, ചെറുകിട സംരംഭങ്ങൾ തുടങ്ങിയ മേഖലയിലുള്ള വനിതകൾക്ക് ദേന ബാങ്ക് നൽകുന്ന ദേനശക്തി പദ്ധതി, 18-45 പ്രായമുള്ള കൃഷി, ചെറുകിട സംരംഭങ്ങൾ നടത്തുന്ന വനിതകൾക്ക് പഞ്ചാബ് സിന്ധ് ബാങ്ക് നൽകുന്ന ഉദ്യോഗിനി വായ്പ പദ്ധതി, നിലവിലുള്ള സംരംഭം പരിഷ്കരിക്കുന്നതിന് സെൻട്രൽ ബാങ്ക് ഓഫ് ഇന്ത്യ അവതരിപ്പിക്കുന്ന കല്യാണി സ്കീം, ബ്യൂട്ടി പാർലർ, ഡേ കെയർ സെൻറർ, ഓട്ടോ റിക്ഷ തുടങ്ങിയവക്കായി പഞ്ചാബ് നാഷനൽ ബാങ്ക് നടപ്പാക്കുന്ന മഹിള ഉദ്യം നിധി തുടങ്ങിയവയും പ്രയോജനപ്പെടുത്താം.
തൊഴിൽ പരിശീലനം
മിനിസ്ട്രി ഓഫ് വുമൻ ആൻഡ് ചൈൽഡ് ഡെവലപ്മെൻറിെൻറ കീഴിലുള്ള സ്റ്റെപ് പദ്ധതിയിലൂടെ വനിതകൾക്ക് സ്വയം തൊഴിൽ ചെയ്യാനോ, സംരംഭകരാവാനോ നൈപുണ്യ വികസന സഹായവും മത്സരാത്മക തൊഴിൽപരിശീലനവും നൽകും. എല്ലാ ജില്ലകളിലും ഗ്രാമീണ സ്വയംപരിശീലന കേന്ദ്രം വഴി പരിശീലനവും മറ്റു സഹായവും ലഭിക്കും. ജില്ല ലീഡ് ബാങ്കിനാണ് മേൽനോട്ടം.'
സ്റ്റാൻഡ് അപ് ഇന്ത്യ
വനിതകൾ, എസ്.സി, എസ്.ടി വിഭാഗങ്ങൾക്ക് 10 ലക്ഷം മുതൽ ഒരു കോടി വരെ വായ്പ നൽകുന്ന കേന്ദ്ര ആവിഷ്കൃത പദ്ധതിയാണിത്. ഓരോ ബാങ്ക് ശാഖകളും കുറഞ്ഞത് ഓരോ വിഭാഗത്തിലെ ഒരാൾക്കെങ്കിലും ഈ പദ്ധതിയിൽ വായ്പ അനുവദിക്കണമെന്ന് കേന്ദ്ര നിർദ്ദേശമുണ്ട്. പുതിയ സംരംഭം ആരംഭിക്കുന്നവർക്കാണ് വായ്പ അനുവദിക്കുന്നത്. പ്രൊജക്ടിെൻറ 75 ശതമാനം വരെ വായ്പ ലഭിക്കും. സെക്യൂരിറ്റി ഒന്നും തന്നെ ഇല്ലാതെ വായ്പ നൽകണമെന്നാണ് നിർദ്ദേശം. പ്രത്യേക സബ്സിഡിയോ പലിശ ഇളവുകളോ ഇല്ലെങ്കിലും സർക്കാർ, മറ്റു ധനകാര്യ സ്ഥാപനങ്ങൾ നൽകുന്ന എല്ലാ ആനുകൂല്യങ്ങളും ഈ വായ്പ വഴി നേടിയെടുക്കാനാവും. ജില്ലാ ലീഡ് ബാങ്ക്, ബാങ്ക് ശാഖ, ഓൺൈലൻ വഴി അപേക്ഷിക്കാം. www.standupmitra.in
തയാറാക്കിയത്: കെ.എസ്. സഫീർ
(kssafeer@gmail.com)
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.