തിരുവനന്തപുരം: രാജ്യത്ത് ഇന്ധന വില വീണ്ടും കൂട്ടി. പെട്രോളിന് 30 പൈസയും ഡീസലിന് 37 പൈസയുമാണ് വർധിപ്പിച്ചത്. തുടർച്ചയായി 16ാം ദിവസമാണ് ഇന്ധന വില വർധിപ്പിക്കുന്നത്. രണ്ടാഴ്ച െകാണ്ട് പെട്രോളിന് 2.67 രൂപയും ഡീസലിന് 3.39 രൂപയുമാണ് കൂട്ടിയത്.
സംസ്ഥാനത്ത് ഡീസൽ വില സെഞ്ച്വറിയടിക്കാനുള്ള പുറപ്പാടിലാണ്. തിരുവനന്തപുരത്ത് ഡീസൽ വില 99 രൂപ 45 പൈസയായി. തലസ്ഥാനത്ത് പെട്രോൾ വില 106 രൂപ കടന്നു. 106.08 രൂപയാണ് ഇന്നത്തെ പെട്രോൾ വില.
കൊച്ചിയിൽ പെട്രോൾ ലിറ്ററിന് 104.27 രൂപയും ഡീസലിന് 97.76 രൂപയുമാണ് വില. കോഴിക്കോട് പെട്രോൾ വില 104.47 രൂപയും ഡീസൽ വില 97.78 രൂപയുമാണ്.
അന്താരാഷ്ട്ര വിപണിയിലെ ക്രൂഡ് ഓയിലിന്‍റെ വിലവർധനവ് ചൂണ്ടിക്കാട്ടിയാണ് രാജ്യത്ത് ഇന്ധന വില കൂട്ടുന്നത്. ക്രൂഡ് ഓയിൽ വില മൂന്ന് വർഷത്തെ ഏറ്റവും ഉയർന്ന നിരക്കിലാണിപ്പോൾ. വരും ദിവസങ്ങളിലും രാജ്യത്ത് ഇന്ധനവിലയിൽ വർധനവുണ്ടാകുമെന്നാണ് വിദഗ്ധർ സൂചിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.