ന്യൂഡൽഹി: രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.െഎ വായ്പ പലിശ നിരക്ക് ഉയർത്തി. മാർജിനൽ കോസ്റ്റ് അടിസ്ഥാനമാക്കിയുള്ള വായ്പ പലിശ നിരക്കാണ് 7.95 ശതമാനത്തിൽ നിന്ന് 8.15 ശതമാനമായി ഉയർത്തിയിരിക്കുന്നത്. 2016 ഏപ്രിലിൽ എം.സി.എൽ.ആർ അടിസ്ഥാനമാക്കിയുള്ള നിരക്കുകൾ നിലവിൽ വന്നതിന് ശേഷം ഇതാദ്യമായാണ് എസ്.ബി.െഎ വായ്പ പലിശനിരക്കുകൾ ഉയർത്തുന്നത്.
എസ്.ബി.െഎക്കൊപ്പം രാജ്യത്തെ മറ്റ് ചില ബാങ്കുകളും വായ്പ പലിശ നിരക്കിൽ മാറ്റം വരുത്തിയിട്ടുണ്ട്. പി.എൻ.ബി ബാങ്ക് ഒരു വർഷത്തേക്കുള്ള പലിശ നിരക്ക് 8.15ൽ നിന്ന് 8.30 ശതമാനമായാണ് ഉയർത്തിയത്. െഎ.സി.െഎ.സി.െഎ 7.8ൽ 7.95 ശതമാനമായാണ് ഉയർത്തിയിരിക്കുന്നത്.
നിക്ഷേപങ്ങൾക്കുള്ള പലിശ നിരക്കിലും എസ്.ബി.െഎ വർധന വരുത്തിയിരുന്നു. വിവിധ നിക്ഷേപങ്ങൾക്കുള്ള പലിശ നിരക്ക് മുക്കാൽ ശതമാനം വരെയാണ് വർധിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.