ന്യൂഡൽഹി: ഇന്ത്യയിലെ വിദഗ്ധരെ റഷ്യയിലേക്ക് സ്വാഗതം ചെയ്യുന്നതായി റഷ്യൻ വ്യവസായമന്ത്രി ഡെന്നീസ് മാട്രോവ്. അമേരിക്ക ഉൾപ്പടെയുള്ള രാജ്യങ്ങൾ ഇന്ത്യൻ െഎ.ടി പ്രൊഫഷണലുകൾക്ക് നിയന്ത്രണമേർപ്പെടുത്തുേമ്പാഴാണ് ചൈനയും റഷ്യയും ഉൾപ്പടെയുള്ള രാജ്യങ്ങൾ സ്വാഗതം ചെയ്യുന്നത്.
ഇന്ത്യയിലെ വിദഗ്ധരെ റഷ്യയിലേക്ക് സ്വാഗതം ചെയ്യുന്നു. ഇത്തരത്തിൽ റഷ്യയിലെത്തുന്നവർക്ക് രാജ്യത്ത് താമസിക്കുന്നതു ഉൾപ്പടെയുള്ള സൗകര്യങ്ങൾ നൽകാൻ തയാറാണ്. ലോകത്തിൽ ഗണിതത്തിൽ മുമ്പിൽ നിൽക്കുന്നവരാണ് റഷ്യക്കാരും ഇന്ത്യക്കാരുമെന്നും ഡെന്നീസ് പറഞ്ഞു.
ആറ് മാസത്തിനിടെ റഷ്യൻ വ്യവസായമന്ത്രിയുടെ രണ്ടാമത്തെ ഇന്ത്യ സന്ദർശനമാണ് ഇത്. റഷ്യയിൽ ജൂൺ മാസത്തിൽ നടക്കുന്ന സെൻറ്പീറ്റേഴ്സ്ബർഗ് ഇക്കണോമിക് ഫോറത്തിെൻറ സമ്മേളനത്തിൽ ഇന്ത്യൻ പ്രധാനമന്ത്രി നരേന്ദ്രമോദി പെങ്കടുക്കുമെന്നും അദ്ദേഹം അറിയിച്ചു.
റഷ്യൻ പ്രസിഡൻറ് വ്ലാഡമിർ പുഡിനും മോദിയും ചേർന്നാണ്സമ്മേളനം ഉദ്ഘാടനം െചയ്യുക. 5000ത്തോളം വ്യവസായികൾ പെങ്കടുക്കുന്ന ഇക്കണോമിക് ഫോറം ഇന്ത്യൻ വ്യവസായ മേഖലക്കും മുതൽക്കൂട്ടാവുമെന്നാണ് പ്രതീക്ഷയെന്നും അദ്ദേഹം വ്യക്തമാക്കി.
ഇന്ത്യയിൽ സന്ദർശനത്തിനെത്തിയ റഷ്യൻ വ്യവസായമന്ത്രി ഇക്കണോമിക്സ് ടൈംസ് ദിനപത്രത്തിന് നൽകിയ അഭിമുഖത്തിലാണ് ഇക്കാര്യങ്ങൾ വ്യക്തമാക്കിയത്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.