ന്യൂഡൽഹി: നോട്ട് പിൻവലിക്കൽ തീരുമാനത്തിന് ശേഷം ഡിജിറ്റൽ പേയ്മെൻറ് ആപുകൾക്ക് കൂടുതൽ പ്രചാരണമാണ് ഇന്ത്യയിൽ ലഭിക്കുന്നത്. പുതിയ സാഹചര്യം മുതലാക്കി ഡിജിറ്റൽ പേയ്മെൻറ് രംഗത്ത് ചുവടുറപ്പിക്കാൻ ഒരുങ്ങുകയാണ് ഗൂഗ്ളും. തേസ് എന്ന പേരിൽ ആപ് പുറത്തിറക്കിയാവും മേഖലയിലേക്ക് ഗൂഗ്ൾ കടന്നു വരിക.
കേന്ദ്രർക്കാറിെൻറ യു.പി.െഎ പേയ്മെൻറ് അധിഷ്ഠിതമാക്കിയാവും ഗൂഗ്ളിെൻറ പുതിയ ആപ് പ്രവർത്തിക്കുകയെന്നാണ് റിപ്പോർട്ടുകൾ. ചില ടെക് സൈറ്റുകളിലാണ് ഇതുസംബന്ധിച്ച വാർത്ത പ്രത്യക്ഷപ്പെട്ടിരിക്കുന്നത്. എന്നാൽ ഇതിനോട് ഒൗദ്യോഗികമായി പ്രതികരിക്കാൻ ഗൂഗ്ൾ തയാറായിട്ടില്ല.
നേരത്തെ ആൻഡ്രോയിഡ് പേയെന്ന പേരിൽ ഡിജിറ്റൽ പേയ്മെൻറിനുള്ള ആപ് ഗൂഗ്ൾ യു.എസിൽ പുറത്തിറക്കിയിരുന്നു. സമാനമായ രീതിയിലാവും ഇന്ത്യയിലും പുതിയ ആപിെൻറ പ്രവർത്തനം. അതേ സമയം, യു.പി.െഎ അടിസ്ഥാനമാക്കി പേയ്മെൻറ് ആപുകൾ പുറത്തിറക്കാൻ വാട്സ് ആപ് ഉൾപ്പടെയുള്ള കമ്പനികൾ നാഷണൽ പേയ്മെൻറ് കോർപ്പറേഷനുമായി ചർച്ചകൾ നടത്തുന്നതായും വാർത്തകളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.