മലയാളിയായ ബൈജു രവീന്ദ്രെൻറ എഡ്യൂ-ടെക് സ്റ്റാർട്ട്അപ്പായ ബൈജൂസ് ആപ്പിലേക്ക് വീണ്ടും കോടികളുടെ നിക്ഷേപമെത്തുന്നു. ബ്ലാക്ക് റോക്ക് ഇന്ക്, സാന്ഡ്സ് ക്യാപിറ്റല്, അല്ക്കിയോണ് ക്യാപിറ്റല് എന്നിവയാണ് ബൈജൂസില് പുതുതായി നിക്ഷേപിക്കുന്നത്. മുന്നൂറ് മില്യണ് ഡോളറിെൻറ (2,206.06 കോടി രൂപ) നിക്ഷേപമെത്തുന്നതോടെ ആ ഫണ്ടുപയോഗിച്ച് കമ്പനി വിപുലീകരിക്കാനാണ് തീരുമാനമെന്നും റിപ്പോർട്ടുകളുണ്ട്.
കോവിഡ് കാലത്ത് ഏറ്റവും കൂടുതൽ നേട്ടമുണ്ടാക്കിയ ചുരുക്കം ചില കമ്പനികളിലൊന്നാണ് ബൈജൂസ്. ലോക്ഡൗണിൽ ഒാൺലൈൻ വിദ്യാഭ്യാസത്തിന് ഡിമാൻറ് ഏറിയതോടെ അത് ബൈജൂസിന് ഗുണം ചെയ്യുകയായിരുന്നു. നിലവിൽ ബൈജൂസ് ആപ്പിെൻറ മൂല്യം കണക്കാക്കിയിരിക്കുന്നത് 11 ബില്യണ് ഡോളര് ആണ്. അമേരിക്കന് സ്വകാര്യ ഇക്വിറ്റി സ്ഥാപനമായ സില്വര് ലേക്ക് പാര്ട്ണേര്സ്, ഡിഎസ്ടി ഗ്ലോബല്, നിലവിലുള്ള നിക്ഷേപകര് എന്നിവരില് നിന്ന് ബൈജൂസ് ഏതാനും ദിവസങ്ങൾക്ക് മുമ്പ് 500 മില്യൺ ഡോളർ (3,672 കോടി ഇന്ത്യൻ രൂപ) നിക്ഷേപം സ്വരൂപിച്ചിരുന്നു.
ലോക്ഡൗൺ കാലത്ത് ഇന്ത്യയിൽ നിന്ന് തന്നെയുള്ള മറ്റ് എഡ്യൂടെക് ആപ്പുകളും വമ്പൻ നേട്ടമാണ് കൊയ്തത്. ഒാൺലൈൻ ലേണിങ് ആപ്പായ വേദാന്തു 100 മില്യൺ ഡോളറാണ് അമേരിക്കൻ കമ്പനിയിൽ നിന്ന് സ്വീകരിച്ചത്. അൺ അകാദമിയിലും നിക്ഷേപങ്ങളെത്തിയിരുന്നു.
Latest Video:
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.