‘ടൈ​റ്റ​ൻ’ സി.​ഇ.​ഒ​യു​ടെ ഭാര്യ ടൈറ്റാനിക് ദുരന്തത്തിൽ മരിച്ചവരുടെ കൊച്ചുമകൾ

ന്യൂ​യോ​ർ​ക്: ‘ടൈ​റ്റ​ൻ’ പൈ​ല​റ്റും ഓ​ഷ്യ​ൻ ഗേ​റ്റ് സി.​ഇ.​ഒ​യു​മാ​യ സ്റ്റോ​​ക്ട​​ൺ റ​​ഷി​ന്റെ ഭാ​ര്യ ​​വെ​ൻ​ഡി റ​ഷ് 1912ലെ ​ടൈ​റ്റാ​നി​ക് ദു​ര​ന്ത​ത്തി​ൽ മ​രി​ച്ച ദ​മ്പ​തി​ക​ളു​ടെ കൊ​ച്ചു​മ​ക​ൾ. ടൈ​റ്റാ​നി​ക് ആ​ഡം​ബ​ര ക​പ്പ​ലി​ലെ ഫ​സ്റ്റ് ക്ലാ​സ് യാ​ത്ര​ക്കാ​ര​നാ​യി​രു​ന്ന അ​മേ​രി​ക്ക​ൻ വ്യാ​പാ​രി ഇ​സി​​ഡോ​ർ സ്ട്രോ​സി​ന്റെ​യും ഭാ​ര്യ ഐ​ഡ​യു​ടെ​യും കൊ​ച്ചു​മ​ക​ളാ​ണ് വെ​ൻ​ഡി റ​ഷ്. ടൈ​റ്റാ​നി​ക്കി​ൽ യാ​​ത്ര ചെ​യ്ത സ​മ്പ​ന്ന​രി​ൽ പ്ര​മു​ഖ​രാ​യി​രു​ന്നു ഇ​സി​ഡോ​ർ- ഐ​ഡ ദ​മ്പ​തി​ക​ൾ.

1986ലാ​ണ് സ്റ്റോ​​ക്ട​​ൺ റ​​ഷും ​​വെ​ൻ​ഡി​യും വി​വാ​ഹി​ത​രാ​യ​ത്. ടൈ​റ്റാ​നി​ക്കി​ന്റെ അ​വ​ശി​ഷ്ടം കാ​ണാ​നു​ള്ള ‘ടൈ​റ്റ​ന്റെ’ ക​ഴി​ഞ്ഞ ര​ണ്ട് വ​ർ​ഷ​ത്തി​നി​ട​യി​ലു​ള്ള മൂ​ന്ന് യാ​ത്ര​ക​ളി​ൽ വി​ൻ​ഡി​യും പ​ങ്കാ​ളി​യാ​യി​രു​ന്നു. ഓ​ഷ്യ​ൻ ഗേ​റ്റ് ക​മ്പ​നി​യു​ടെ ക​മ്യൂ​ണി​ക്കേ​ഷ​ൻ ഡ​യ​റ​ക്ട​റാ​യും അ​വ​ർ സേ​വ​ന​മ​നു​ഷ്ഠി​ക്കു​ന്നു. ക​മ്പ​നി​യു​ടെ ചാ​രി​റ്റ​ബി​ൾ ഫൗ​ണ്ടേ​ഷ​ന്റെ ബോ​ർ​ഡ് അം​ഗം കൂ​ടി​യാ​ണ് അ​വ​ർ.

ടൈ​റ്റ​ന്​ സു​ര​ക്ഷ പ്ര​ശ്ന​ങ്ങ​ളി​ല്ലെ​ന്ന്​ മു​ൻ യാ​ത്രി​ക​ൻ

ദു​ബൈ: അ​റ്റ്​​ലാ​ന്‍റി​ക്​ സ​മു​ദ്ര​ത്തി​ന്‍റെ അ​ടി​ത്ത​ട്ടി​ലു​ള്ള ടൈ​റ്റാ​നി​ക്​ അ​വ​ശി​ഷ്ടം കാ​ണാ​ൻ​പോ​യ അ​ന്ത​ർ​വാ​ഹി​നി ടൈ​റ്റ​ന്​ സു​ര​ക്ഷ പ്ര​ശ്ന​ങ്ങ​ൾ ഉ​ള്ള​താ​യി തോ​ന്നി​യി​ട്ടി​ല്ലെ​ന്ന്​ മു​ൻ യാ​ത്രി​ക​ൻ. ദു​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ബി​സി​ന​സു​കാ​ര​നാ​യ ഓ​യി​സി​ൻ ഫാ​നി​ങ്​ ആ​ണ്​ ഇ​ക്കാ​ര്യം വ്യ​ക്​​ത​മാ​ക്കി​യ​ത്.

ക​ഴി​ഞ്ഞ വ​ർ​ഷം ടൈ​റ്റ​നി​ൽ യാ​ത്രി​ക​നാ​യി​രു​ന്നു ഇ​ദ്ദേ​ഹം. അ​ഞ്ചു പേ​രു​മാ​യി അ​റ്റ്​​ലാ​ന്‍റി​ക്​ സ​മു​ദ്ര​ത്തി​ന്‍റെ അ​ടി​ത്ത​ട്ടി​ലേ​ക്ക്​ യാ​ത്ര​പോ​യ ടൈ​റ്റ​നെ ഇ​തു​വ​രെ ക​ണ്ടെ​ത്താ​നാ​യി​ല്ലെ​ന്ന വാ​ർ​ത്ത​യോ​ട്​ പ്ര​തി​ക​രി​ക്കു​ക​യാ​യി​രു​ന്നു ഓ​യി​സ​ൻ ഫാ​നി​ങ്. ‘ത​ന്‍റെ യാ​ത്ര​യി​ൽ ഒ​രി​ക്ക​ൽ​പോ​ലും അ​പാ​യ​ക​ര​മാ​യ ഒ​ന്നും തോ​ന്നി​യി​ട്ടി​ല്ല. ഒ​രു വാ​തി​ൽ മാ​ത്ര​മു​ള്ള 22 അ​ടി ട്യൂ​ബ്​ ആ​കൃ​തി​യി​ലു​ള്ള അ​ന്ത​ർ​വാ​ഹി​നി​യി​ലാ​യി​രു​ന്നു യാ​ത്ര. ഇ​തി​ന്​ ഒ​രു ടോ​യ്​​ല​റ്റ് മാ​ത്ര​മാ​ണ്​ ഉ​ണ്ടാ​യി​രു​ന്ന​ത്.

ശ​ക്​​ത​മാ​യ ഘ​ട​ക​ങ്ങ​ൾ കൊ​ണ്ടാ​ണ്​ ഇ​ത്​ നി​ർ​മി​ച്ചി​രി​ക്കു​ന്ന​ത്. അ​തി​ന്​ ത​ക​രാ​ർ സം​ഭ​വി​ക്കി​ല്ല. അ​തു​​കൊ​ണ്ടു​ത​ന്നെ, അ​തി​ൽ​നി​ന്ന്​ പു​റ​ത്തു​വ​രാ​ൻ ക​ഴി​യി​ല്ല. അ​തി​ന്​ ചോ​ർ​ച്ച സം​ഭ​വി​ക്കു​ക​യു​മി​ല്ല’- ഫാ​നി​ങ്​ പ​റ​ഞ്ഞു.