സ്​റ്റിറോയ്​ഡുകൾ ഗുരുതരാവസ്ഥയിലുള്ള കോവിഡ്​ രോഗികൾക്ക്​ ഗുണകരമെന്ന്​ പഠനം

വാഷിങ്​ടൺ: അതീവ ഗുരുതരാവസ്ഥയിലുള്ള കോവിഡ്​ രോഗികൾക്ക്​ ജീവൻ നിലനിർത്താൻ വിവിധ തരം സ്​റ്റിറോയ്​ഡുകൾ ഗുണകര​മാണെന്ന്​ പഠനം. വിലകുറഞ്ഞ മരുന്നാണെങ്കിലും മികച്ച സുരക്ഷയാണ്​ സ്​റ്റിറോയ്​ഡുകൾ​ നൽകുന്നതെന്നാണ്​ കണ്ടെത്തൽ.

ലോകാരോഗ്യ സംഘടനയുടെ നേതൃത്വത്തിൽ നടന്ന ഏഴ്​ പഠനങ്ങളുടെ ഫലങ്ങൾ വിശകലനം ചെയ്​തതിൽ നിന്നാണ്​ ശാസ്​ത്രജ്ഞർ ഇങ്ങനെയൊരു നിഗമനത്തിൽ എത്തിച്ചേർന്നത്​. അമേരിക്കൻ മെഡിക്കൽ അസോസിയേഷ​ൻ ബുധനാഴ്​ച പുറത്തിറക്കിയ ജേണലിലാണ്​ പഠനത്തെക്കുറിച്ചുള്ള വിവരമുള്ളത്​.

സാധാരണ നിലയിലുള്ള പരിചരണവും പ്ലേസ്​ ബോ ശുശ്രൂഷയും ലഭ്യമാക്കിയ, അധികമായി ഓക്​സിജൻ ആവശ്യമുള്ള ഗുരുതരാവസ്ഥയിലുള്ള കോവിഡ്​ രോഗികളെ അപേക്ഷിച്ച്​ ​സ്​റ്റിറോയ്​ഡുകൾ നൽകിയ രോഗികൾക്ക്​ ആദ്യ മാസങ്ങളിലെ മരണ സാധ്യത കുറവാണെന്ന്​ പഠനത്തിൽ കണ്ടെത്തി.

പഠനഫലം കൂടുതൽ അവസരങ്ങൾ തുറന്നു തന്നിരിക്കുകയാണെന്ന്​ പഠനങ്ങളിലൊന്നിന്​ നേതൃത്വം നൽകിയ ഓക്​സ്​ഫോർഡ്​ സർവകലാശാലയിലെ ഡോ. മാർട്ടിൻ ലാൻഡ്രേ പറഞ്ഞു. പഠനഫലം ഒരുപാട്​ ചുവടുകൾ മുന്നോട്ട്​ എത്തിച്ചതായും എന്നാൽ മതിപ്പുതോന്നുന്ന കണ്ടെത്തലാണെന്നും ലണ്ടനിലെ ഇംപീരിയൽ കോളജിലെ ഡോ. അന്തോണി ഗോർഡൻ അഭിപ്രായപ്പെട്ടു. അതേസമയം ഇത്​ രോഗം പൂർണമായും ഭേദപ്പെടുത്തില്ലെന്നും അദ്ദേഹം കൂട്ടിച്ചേർത്തു.

സ്​റ്റിറോയ്​ഡ്​ മരുന്നുകൾ വളരെ ചെലവ്​ കുറഞ്ഞതും വ്യാപകമായി ലഭ്യമാകുന്നതും പതിറ്റാണ്ടുകളായി ഉപയോഗിച്ചു വര​ുന്നതുമാണ്​. അണുബാധക്കെതിരെ ശരീരത്തി​െൻറ പ്രതിരോധ വ്യവസ്ഥ പ്രവർത്തിക്കുന്നതി​െൻറ ഫലമായി കോവിഡ്​ രോഗികളുടെ ശ്വാസകോശത്തിന്​ കേടുപാടുകൾ സംഭവിക്കുകയും ഇത്​ മരണത്തിനുവരെ ഇടയാക്കുകയും ചെയ്യും. അണുബാധക്കെതിരെയുള്ള ശരീരത്തി​െൻറ പ്രതിരോധ വ്യവസ്ഥയുടെ പ്രവർത്തനഫലമായി രോഗികളുടെ​ ശരീരത്തിനുണ്ടാകുന്ന താപം കുറക്കാൻ സ്​റ്റിറോയ്ഡുകൾ സഹായകരമാണ്​. കായിക പ്രകടനങ്ങൾക്ക്​ വേണ്ടി ഉപയോഗിക്കു​ന്ന തരം സ്​റ്റിറോയ്​ഡുകളല്ല ഇവ.

ഓക്​സ്​ഫോൾഡ് സർവകലാശാലയിലാണ്​ ഭൂരിഭാഗം പഠനങ്ങളും നടന്നത്​. ശ്വസന സഹായികളുടെ പിൻബലത്തോടെ മാത്രം ​ശ്വസിക്കാൻ കഴിയുന്ന തരത്തിൽ ആശുപത്രിയിൽ പ്രവേശിപ്പിക്കപ്പെട്ടവരിൽ 35 ശതമാനം പേരേയും ഡെക്​സാമെതസോൺ എന്ന സ്​റ്റിറോയ്​ഡി​െൻറ ഉപയോഗം മരണത്തിൽനിന്ന്​ രക്ഷ​പ്പെടുത്തിയതായും ഇവരിൽ 20 ശതമാനം പേരും അധിക ഓക്​സിജൻ ആവശ്യമായവരായിരുന്നുവെന്നും ​ജൂണിൽ നടന്ന പഠനത്തിൽ കണ്ടെത്തി. ഗുരുതരമല്ലാത്ത കോവിഡ്​ രോഗികളിൽ സ്​റ്റിറോയ്​ഡുകൾ ഫലപ്രദമല്ലെന്ന്​ മാത്രമല്ല, ദോഷകരമാണെന്നും പഠനത്തിൽ പറയുന്നു.