ഇസ്​തംബൂൾ മേയർ തെരഞ്ഞെടുപ്പ്​; ഉർദുഗാ​െൻറ പാർട്ടിക്ക്​ വൻ തോൽവി

അങ്കാറ: തുർക്കിയിലെ ഇസ്​തംബൂൾ മേയർ തെരഞ്ഞെടുപ്പിൽ പ്രസിഡൻറ്​ റജബ്​ ത്വയ്യിബ്​ ഉർദുഗാ​​​​​​െൻറ പാർട്ടിക്ക് ​ വൻ തോൽവി. 90 ശതമാനം വോട്ടുകൾ എണ്ണിയപ്പോൾ പ്രതിപക്ഷ സ്ഥാനാർഥിയായ ഇക്രം ഇമാമലു 54 ശതമാനം വോട്ട്​ നേടി വിജയമുറപ്പിച്ചു. പ്രാഥമിക വേ​ട്ടെണ്ണലിൽ വിജയിച്ച ഇക്രത്തിന്​ അഭിനന്ദനങ്ങൾ അറിയിക്കുന്നതായി ഉർദുഗാൻ ട്വീറ്റ്​ ചെയ്​തു. 25 വർഷത്തിനു ശേഷമാണ്​ രാജ്യത്തെ ഏറ്റവും വലിയ നഗരമായ ഇസ്​തംബൂളിൽ പ്രതിപക്ഷം വിജയം വരിക്കുന്നത്​.

മാർച്ചിൽ നടന്ന തെരഞ്ഞെടുപ്പിൽ ക്രമക്കേടു നടന്നെന്ന​ ഭരണകക്ഷിയായ എ.കെ പാർട്ടിയുടെ ആരോപണങ്ങളെ തുടർന്ന്​ അത്​ റദ്ദാക്കുകയായിരുന്നു. അന്ന്​ മുൻ പ്രധാനമന്ത്രിയുമായ ബിൻ അലി യിൽദിരിമിനെ 13000 വോട്ടുകൾക്കാണ്​ പ്രതിപക്ഷത്തി​​​​​​െൻറ ഇക്രം ഇമാമലു തോൽപിച്ചത്​.