ലാഹോർ: ഇന്ത്യൻ പ്രധാനമന്ത്രി നരേന്ദ്രമോദിക്കെതിരെ ഭീഷണി മുഴക്കി സോഷ്യൽ മീഡയയിൽ വിഡിയോ പങ്കുവെച്ച പാകിസ ്താൻ പോപ് ഗായിക റാബി പീർസാദ വിവാദത്തിൽ. റാബിയുടെ ഉടമസ്ഥതയിലുള്ള ലാഹോറിലെ ബ്യൂട്ടി സലൂണിൽ വെച്ച് പെരുമ്പ ാമ്പുകളുമായുള്ള വിഡിയോയിലാണ് താരം മോദിക്കെതിരെ ഭീഷണി മുഴക്കിയത്. പ്രധാനമന്ത്രി നരേന്ദ്രമോദിക്ക് പെരുമ്പാമ്പുകളെ പ്രത്യേക സമ്മാനമായി അയക്കുമെന്നും നരകത്തിൽ പോയി മരിക്കാൻ തയാറാകൂ എന്നുമാണ് റാബി വിഡിയോയിൽ പറഞ്ഞത്.
പെരുമ്പാമ്പുകളെയും ചീങ്കണ്ണിയേയും പല വിഭാഗത്തിലുള്ള പാമ്പുകളെയും റാബി മുറിയിൽ നിരത്തിയിരുന്നു. ‘‘കശ്മീരി സ്ത്രീയായ ഞാൻ ഈ പാമ്പുകളെ ഇന്ത്യയിലേക്കെത്തിക്കാൻ തയാറായിരിക്കുന്നു. ഇൗ സമ്മാനം പ്രധാനമന്ത്രി നരേന്ദ്രമോദിക്കാണ്. കശ്മീരികളെ പരിഗണിക്കുന്ന നിങ്ങൾക്കായാണ് ഇവയെ തയാറാക്കിയിരികുന്നത്. അതുകൊണ്ട് നരകത്തിൽ കിടന്ന് മരിക്കാൻ തയാറായിക്കോളൂ. എെൻറ കൂട്ടുകാർ അവിടെ നിങ്ങളെ ഭക്ഷണമാക്കും’’ -റാബി യൂ ടൂബ് ചാനലിൽ പങ്കുവെച്ച വിഡിയോയിൽ പറയുന്നു. വിഡിയോ ട്വിറ്ററിലും പോസ്റ്റ് ചെയ്തിരുന്നു.
റാബി പീർസാദയുടെ വിഡിയോ സമൂഹമാധ്യമങ്ങളിൽ പ്രചരിച്ചതോടെ വന്യജീവികളെ സലൂണിൽ സൂക്ഷിച്ചതിന് പഞ്ചാബ് വന്യജീവി സംരക്ഷണ വകുപ്പ് കേസെടുക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.