ഇസ്ലാമാബാദ്: പാകിസ്താനിലെ തെഹ്രീകെ ഇൻസാഫ് പാർട്ടി നേതാവ് ഇമ്രാൻ ഖാൻ മൂന്നാമതും വിവാഹിതനായി. ആത്മീയ ഉപദേഷ്ടാവ് ബുഷ്റ മനേകയെയാണ് വിവാഹം ചെയ്തതെന്ന് പാർട്ടി വൃത്തങ്ങൾ അറിയിച്ചു.
രാഷ്ട്രീയക്കാരനായി മാറിയ ക്രിക്കറ്റ് താരം ഞായറാഴ്ച ലാഹോറിൽ നടന്ന ലളിത ചടങ്ങിലാണ് പിങ്കി പിർ എന്ന് വിളിപ്പേരുള്ള ബുഷ്റയെ വിവാഹം ചെയ്തത്. ഇമ്രാൻ ഖാൻ വീണ്ടും വിവാഹിതനാകുെമന്ന വാർത്തകൾ നേരത്തെ പ്രചരിച്ചിരുന്നെങ്കിലും സ്ഥീരീകരണമുണ്ടായിരുന്നില്ല.
ജെമീമ ഗോൾഡ് സ്മിത്തിനെ 1995 ൽ വിവാഹം ചെയ്ത ഖാൻ ഒമ്പത് വർഷത്തിനു ശേഷം വിവാഹമോചിതനായി. രണ്ടാമത് ടി.വി അവതാരകയായ റഹം ഖാനെ വിവാഹം ചെയ്തു. എന്നാൽ, 10 മാസം മാത്രമേ ആ ബന്ധവും നീണ്ടുള്ളൂ. തുടർന്നാണ് 40കാരിയായ ബുഷ്റ മനേകെയ വിവാഹം ചെയ്യാൻ തീരുമാനിച്ചത്. ബുഷ്റയും നേരത്തെ വിവാഹിതയായിരുന്നു. അതിൽ രണ്ടു മക്കളുമുണ്ട്. ആ ബന്ധം ഉപേക്ഷിച്ചാണ് ഇമ്രാൻ ഖാനെ വിവാഹം ചെയ്തത്.
Wishing Chairman @ImranKhanPTI and his wife a happy married life . May Allah bless the couple. #MubarakImranKhan pic.twitter.com/BYHQ9CCaA8
— PTI (@PTIofficial) February 18, 2018
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.