ബീജിങ്: ചൈനയിൽ സാമൂഹിക മാധ്യമങ്ങളിൽ ഇപ്പോൾ തരംഗമാവുന്നത് ഒരു സെൽഫിയാണ്. കത്തിക്കരിഞ്ഞ സ്വന്തം വീടിന് മുന്നിൽ നിന്ന് ചൈനക്കാരനായ ഗുനാങ്സി സുവാങും പെൺസുഹൃത്തും എടുത്ത സെൽഫിയാണ് വൈറലാവുന്നത്. സെൽഫി സാമുഹിക മാധ്യമങ്ങളിൽ പോസ്റ്റ് ചെയ്തതോടെ വൻ പ്രചാരമാണ് ലഭിച്ചത്. ചൈനീസ് വാർത്ത എജൻസിയായ സിൻഹയാണ് ഇതുസംബന്ധിച്ച വാർത്ത റിപ്പോർട്ട് ചെയ്തത്.
ബാത്റൂമിൽ കുളിച്ചുകൊണ്ടിരിക്കുകയായിരുന്നു സുവാങ് എന്തോ കത്തുന്നതിെൻറ മണം കേട്ട് പുറത്ത് വന്ന് നോക്കിയപ്പോഴാണ് വീടിനുള്ളിൽ തീപിടിച്ച വിവരം അറിഞ്ഞത്. ഉടൻ തന്നെ വീട്ടിൽ ഉറങ്ങുകയായിരുന്ന കാമുകിെയ വിളിച്ചുണർത്തി. അയൽക്കാരുടെ സഹായത്തോടെ വെള്ളവും മറ്റ് ഉപകരണങ്ങളും ഉപയോഗിച്ച് തീ കെടുത്തുകയായിരുന്നു.
ഇതിന് ശേഷമാണ് വീടിനുള്ളിൽ നിന്നുള്ള ഇവരുടെ കിടിലൻ സെൽഫികൾ പുറത്ത് വരുന്നത്. പുതുവൽസരാശംസകൾ നേർന്നുള്ള വീഡിയോയും ഇവർ ഷൂട്ട് ചെയ്തിരുന്നു. ഇതും ഇപ്പോൾ സാമുഹിക മാധ്യമങ്ങളിൽ തരംഗമാവുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.